બગસરાના હડાળા પાસે બોલેરો પલટી જતા સર્જાયો અકસ્માત
પીપળીયા ગામેથી ગળધરા ખોડીયાર મંદિરે જઈ રહેલા પરિવારને નડ્યો અકસ્માત
15 લોકોને ઈજા, 1 મહિલાનું ઘટના સ્થળે મોત
બગસરા તાલુકાના હડાળા ગામ નજીક એક બોલેરો ગાડી પલ્ટી ખાઈ જતા અકસ્માત સર્જાયો જેમાં આશરે 15 લોકોને નાની મોટી ઈજાઓ થતાં 108 દ્વારા તાત્કાલિક બગસરા સિવિલ હોસ્પિટલમાં ખસેડવામાં આવ્યા જેમાં વિજયા વાવલીયા ઉંમર વર્ષ 40 રહે ઢુંઢિયા પીપળીયા નું ઘટના સ્થળે અકસ્માતમાં મોત નીપજતા લોકોમાં અરેરાટી વ્યાપી ગઇ છે ત્યારે અન્ય 10 લોકોને વધુ સારવાર અર્થે અમરેલી સારવાર અર્થે હોસ્પિટલે ખસેડવામાં આવ્યા તમામ લોકોને સારવાર અર્થે આ અકસ્માત કેવી રીતે બન્યો તેને લઈ પોલીસ દ્વારા તપાસ હાથ કરવામાં આવી હોવાનું જાણવા મળ્યું.
આ ઘટના બાબતે ડ્રાઇવર મેહુલભાઈ સંગ્રામ ભાઈ સાનિયા ને પૂછતા તેમણે જણાવ્યું હતું કે ઢુંઢિયા પીપરીયા થી ધારી ગળધરા લાપસી માટે જતા હતા ત્યારે અચાનક હડાળા પાસે સ્ટેરીંગની ચોકડી તૂટી જતા બોલેરો પલટી મારી ગયો હતો. સાથે ડ્રાઇવરને માથાના ભાગે ઇજા પહોંચતી હતી.
રિપોર્ટર: સમીર વિરાણી
