સેન્ટ્રલ બોર્ડ ઓફ ડાયરેકટ ટેકસીસ દ્વારા અસેસમેન્ટ વર્ષ ૨૦૧૯-૨૦ માટે રીટર્ન ભરવાની તારીખમાં એક મહિનો લંબાવવામાં આવ્યો છે જે પહેલા ૩૧ જુલાઈ નિર્ધારીત કરવામાં આવી હતી તે હવે ૩૧ ઓગસ્ટ નકકી કરવામાં આવી છે. સીબીડીટીને મળેલી માહિતી મુજબ એ વાતની પણ સ્પષ્ટતા કરવામાં આવી છે કે, ઘણાં કરદાતાઓને તેમનાં રીટર્ન ફાઈલ કરવા માટે અનેકવિધ તકલીફોનો સામનો કરવો પડી રહ્યો છે જેનાં કારણે સીબીડીટી દ્વારા એક માસનો વધારો કરવામાં આવ્યો છે. સવિશેષ હાલ કરદાતાઓને ફોર્મ નં.૧૬ ભરવામાં ઘણી અગવડતા પડી રહી છે જેનાં કારણે સીબીડીટી દ્વારા આ નિર્ણય લેવામાં આવ્યો છે.
