પાલીતાણાની ઝવેરચંદ મેઘાણી શાળાના બાળકોએ ટીવી મારફતે ઓનલાઈન શિક્ષણ મેળવ્યું

કોરોનાની મહા મારીના કારણે રાજ્યભરમાં શિક્ષણ બંધ છે. અને સરકારે ઓનલાઈન શિક્ષણ આપવાનું નક્કી કર્યું ત્યારે પાલીતાણાની ઝવેરચંદ મેઘાણી શાળાના શિક્ષક નાથાભાઇ ચાવડા એ અનોખી પહેલ કરી હતી જે બાળકો ના ઘરે ટીવી અને મોબાઈલ નથી તેવા બાળકો માટે બાળકો ના વાલીઓ વ્યવસ્થા કરવા જણાવ્યું અને આ શિક્ષકને શાળાના આચાર્ય ઉમેશભાઈ ગોંડલીયા દ્વારા સહકાર મળતાં સ્થાનિક બાળકોના વાલી ઇરફાનભાઈ લાખાણી સહિત લોકોએ સહકાર આપતા ખાટકીવાસ માં આવેલ મદરેસા માં ટીવી ની વ્યવસ્થા કરી ધોરણ ૩ થી ૮ ના બાળકો ટાઈમ ટેબલ મુજબ ઓનલાઈન શિક્ષણ લઈ રહ્યા છે. તમામ સરકારી ગાઈડ લાઇન નું પાલન કરી આ શિક્ષકે અનોખી સમસ્યાને અવસર માં ગોઠવી છે.