ભારતીય ન્યાય સંહિતા ભવિષ્ય માટે અમલમાં આવશે પણ અગાઉ નોંધાયેલા કેસો માટે બંધારણીય કાયદેસરતા ચકાસવી જરૂરી : સુપ્રીમ
રાજદ્રોહની કલમ 124એ વિરુદ્ધ દાખલ અરજીઓ પર સુનાવણી કરતી વખતે સુપ્રીમ કોર્ટે કહ્યું કે 5 જજોની બંધારણીય બેંચ આ કેસની સુનાવણી કરશે. કોર્ટે કહ્યું કે કેદારનાથના ચુકાદાને કારણે આ મામલો બંધારણીય બેંચ સમક્ષ મોકલવામાં આવ્યો છે. જણાવી દઈએ કે સેક્શન 124એની બંધારણીય માન્યતાને એ આધાર પર પડકારવામાં આવી હતી કે તે કેદારનાથ સિંહ વિરુદ્ધ બિહાર રાજ્યના કેસમાં કલમ 19(1)(એ)ના દાયરાની બહાર છે. આ સાથે સુપ્રીમ કોર્ટે કેસને હાલ પૂરતો મુલતવી રાખવાની સરકારની વિનંતીને ફગાવી દીધી હતી.
ચીફ જસ્ટિસએ કહ્યું કે અમે એડિશનલ સોલિસિટર જનરલ અને સોલિસિટર જનરલની 124એની બંધારણીય માન્યતાને પડકારની સુનાવણી એક કરતાં વધુ કારણોસર મુલતવી રાખવાની વિનંતીને નકારી કાઢીએ છીએ. 124એ કાનૂન પુસ્તક પર રહે છે અને નવા કાયદાની માત્ર દંડાત્મક કાયદામાં સંભવિત અસર પડશે અને જ્યાં સુધી 124એ રહે ત્યાં સુધી કાર્યવાહીની માન્યતા રહેશે અને તેથી પડકારનું મૂલ્યાંકન કરવાની જરૂર છે.
ચીફ જસ્ટિસની બેન્ચે કહ્યું કે એ નોંધવું જરૂરી છે કે જે સમયે બંધારણીય બેન્ચે કેદારનાથ કેસની માન્યતા પર પોતાનો ચુકાદો આપ્યો હતો. તે સમયે પડકાર એ હતો કે 124એ કલમ 19 નું ઉલ્લંઘન હતું. ફક્ત તે કલમના દૃષ્ટિકોણથી જ્યારે તેને બંધારણીય જોગવાઈની પૃષ્ઠભૂમિમાં વાંચવું જોઈએ.
મંગળવારે કેસની સુનાવણી દરમિયાન ચીફ જસ્ટિસએ કહ્યું કે નવો કાયદો આવશે. તે ભવિષ્ય માટે હશે પરંતુ હાલના કેસ ચાલુ રહેશે, જો કે નવા કાયદામાં એવું લખવું જોઈએ કે આઈપીસી કલમ 124એ અસરકારક રહેશે નહીં.
ચીફ જસ્ટિસએ કહ્યું કે એક નવું કાનૂની ભવિષ્ય હશે પણ પૂર્વવર્તી રહેશે નહીં. વરિષ્ઠ વકીલ કપિલ સિબ્બલે કહ્યું કે સવાલ એ છે કે કેદારનાથ સિંહ કેસને પુનર્વિચાર માટે 5 જજોની બેન્ચને મોકલવામાં આવશે કે આ બેંચ તેના પર નિર્ણય કરશે.
ચીફ જસ્ટિસએ કહ્યું કે અમારે 5 જજોની બેન્ચ બનાવવી પડશે, કારણ કે 5 જજોની બેન્ચનો નિર્ણય અમારા માટે બંધનકર્તા છે. એજી આર વેંકટરામાણીએ કહ્યું કે નવો કાયદો છે અને તેને સંસદીય સ્થાયી સમિતિને મોકલવામાં આવ્યો છે.
સિબ્બલે કહ્યું કે નવો કાયદો ખૂબ જ ખરાબ છે અને હાલના કેસ ચાલુ રહેશે. ચીફ જસ્ટિસએ કહ્યું કે નવો કાયદો ભવિષ્યના કેસો સાથે કામ કરશે, પરંતુ કલમ 124એ જૂના કેસ માટે લાગુ રહેશે.
સુપ્રીમ કોર્ટે કહ્યું કે જો પાંચ જજોની બેંચ 1962ના નિર્ણયની સમીક્ષા કરવાનો નિર્ણય લે છે તો તે આ મુદ્દાને સાત જજની બેંચને મોકલી શકે છે અથવા કાયદાનું પુન: અર્થઘટન કરી શકે છે. સર્વોચ્ચ અદાલતે એમ પણ કહ્યું કે 1973માં ઈન્દિરા ગાંધીની સરકાર દ્વારા પ્રથમ વખત રાજદ્રોહને કોગ્નિઝેબલ બનાવવામાં આવ્યો હતો ત્યારબાદ આ જોગવાઈ હેઠળ ધરપકડ સામાન્ય બની ગઈ હતી.
