મુખ્યમંત્રી રૂપાણી, કોરોના વોરીયર્સ તરીકે ફરજ બજાવતા તબીબો, મધર ટેરેસા અને સોનુ સુદ સહિતના મહાનુભાવોની રંગોળી નિહાળવાનો આવતીકાલે અવસર મળશે. શહેરના શ્યામાપ્રસાદ આર્ટ ગેલેરી ખાતે અજંતા આર્ટ દ્વારા આવતીકાલે સાંજે 4 વાગ્યાથી 10 વાગ્યા સુધી રંગોળી પ્રદર્શન યોજાશે. આ આકર્ષક રંગોળી પ્રદર્શનમાં 35 જેટલા કલાકારો દ્વારા તૈયાર કરવામાં આવેલી 70 રંગોળીને નિહાળી શકાશે. આ પ્રદર્શનને લઈ કલાકારો દ્વારા આગોતરી તૈયારીઓ કરવામાં આવી છે.
