તાલિબાને સત્તા સંભાળી ત્યારથી અફઘાનિસ્તાનની સ્થિતિ ચિંતાજનક છે. ત્યાં ફસાયેલા ભારતીયોને બચાવવાના પ્રયાસો ચાલુ છે. આ પહેલા મંગળવારે લગભગ 140 લોકો પરત ફર્યા હતા. તેમાં ભારતીય નાગરિકો, પત્રકારો, રાજદ્વારીઓ, દૂતાવાસના અન્ય કર્મચારીઓ અને ભારતીય સુરક્ષા કર્મચારીઓનો સમાવેશ થાય છે. હવે ફરી એક વખત 85 ભારતીયો ભારતીય વાયુસેનાના C-130J વિમાન દ્વારા ઘરે પરત ફરી રહ્યા છે. કહેવામાં આવી રહ્યું છે કે વિમાન બળતણ માટે તાજિકિસ્તાનમાં ઉતર્યું હતું. આ વિમાન કાબુલથી દિલ્હી આવી રહ્યું છે.
વિદેશ મંત્રાલયે બનાવ્યો છે સ્પેશિયલ સેલ
અફઘાનિસ્તાનની વર્તમાન પરિસ્થિતિ બાદ ભારત દ્વારા તેના લોકોને બહાર કાઢવાનું કામ કરી રહી છે. દૂતાવાસમાં કામ કરતા અધિકારીઓને બહાર કાઢવામાં આવ્યા છે, પરંતુ મોટી સંખ્યામાં લોકો હજુ પણ અફઘાનિસ્તાનમાં ફસાયેલા છે.
ભારતના વિદેશ મંત્રાલયે અફઘાનિસ્તાનમાં ફસાયેલા લોકોને પરત લાવવા માટે ખાસ વ્યવસ્થા કરી છે અને ખાસ અફઘાનિસ્તાન સેલ તૈયાર કરવામાં આવ્યો છે. 16 ઓગસ્ટની સાંજે, વિદેશ મંત્રાલયે એક ખાસ અફઘાનિસ્તાન સેલની રચના કરી, જેનું મિશન અફઘાનિસ્તાન તરફથી મદદ માટેની વિનંતીઓ પર નજર રાખવાનું છે.
વોટ્સએપ, ઈ-મેલ અને એક્શન …
આ ટીમમાં લગભગ 20 યુવાનો છે, જે આ મિશન 24*7 માં રોકાયેલા છે. અફઘાનિસ્તાન તરફથી આવતી વિનંતીઓનું નિરીક્ષણ કરવું, પછી તેમને સંબંધિત વ્યવસ્થા કરવી આ ટીમનું મુખ્ય કાર્ય છે. આ દરમિયાન વોટ્સએપથી ઈ-મેલ સુધી કામ કરવામાં આવી રહ્યું છે, અફઘાનિસ્તાનમાં ફસાયેલા લોકો કઈ સ્થિતિમાં છે તેના ખબર અંતર લઈ રહ્યા છે અને ત્યારબાદ તેમના અહેવાલ મુજબ એકશન પ્લાન તૈયાર કરવામાં આવે છે.
