અમૃતસર એટેકમાં થઈ પહેલા આરોપીની ધરપકડ, જાણો પંજાબના મુખ્યમંત્રી અમરિંદર સિંહે શું કહ્યું?

અમૃતસરમાં નિરંકારી ભવનમાં થયેલા આતંકી હુમલામાં એક આરોપી બિક્રમજીત સિંહની ધરપકડ કરવામાં આવી છે. ધરપકડ કરવામાં આવેલો યુવક પંજાબમાં જ રહે છે. ધરપકડ પછી આરોપીનું પાકિસ્તાન કનેક્શન હોવાની વાત પણ સામે આવી છે. તેણે પાકિસ્તાનમાં બેઠેલા આતંકીઓની મદદથી આ હુમલો કર્યો હતો.

I’m happy to announce that police nabbed one of the two persons involved. 26-year-old Bikramjit Singh has been arrested. The other man will also be arrested soon. His name is Avtar Singh: Punjab CM on #Amritsar blast at Nirankari Mission congregation that claimed 3 lives pic.twitter.com/k0S52mpdKe

— ANI (@ANI) November 21, 2018

આ કેસમાં પહેલી ધરપકડ પછી પંજાબના મુખ્યમંત્રી કેપ્ટન અમરિંદર સિંહે પ્રેસ કોન્ફરન્સ કરી હતી. તેમણે જણાવ્યું કે, ધરપકડ કરવામાં આવેલા વ્યક્તિનું નામ બિક્રમજીત સિંહ છે. તે ધાલીવાલ ગામનો છે. બીજો આરોપી અવતાર સિંહ છે. તેની પણ ટૂંક સમયમાં ધરપકડ કરવામાં આવશે. અમરિંદર સિંહે કહ્યું કે, હવે આતંકીઓ કાશ્મીરથી પંજાબ તરફ વળી રહ્યા છે. અમે તેમને રોકીશું.

અમરિંદર સિંહે કહ્યું કે, આ હુમલામાં જે મોટર સાઈકલનો ઉપયોગ કરવામાં આવ્યો છે તેનો પણ કબજો લઈ લેવામાં આવ્યો છે. આ એક સીધો આતંકી હુમલો છે. ધર્મને આ હુમલા સાથે કોઈ લેવા દેવા નથી. હું પંજાબને વિશ્વાસ અપાવું છું કે, પાકિસ્તાન અને આઈએસઆઈને જડબાતોડ જવાબ આપવામાં આવશે. આ હુમલા પાછળ ખાલિસ્તાન લિબરેશન ફોર્સનો હાથ છે.

There is no communal angle. It’s pure case of terrorism.They were targeted as they were easy targets.We had info in the past about other organisations being targeted but we took precautionary measures & prevented that:Punjab CM on #Amritsar blast at Nirankari Mission congregation pic.twitter.com/p4resLrxt6

— ANI (@ANI) November 21, 2018

હેન્ડગ્રેન્ડ હુમલા પાછળ ખાલિસ્તાની આતંકી હરમીત સિંહ હેપ્પી ઉર્ફે પીએચડીના કાવતરાનો ખુલાસો થયો છે. પાકિસ્તાનમાં છુપાઈને બેઠેલા હરમીત સિંહ હેપ્પી ઉર્ફે પીએચડીએ લોકલ છોકરાઓની મદદથી આ ગ્રેનેડ એટેક કરાવ્યો હતો.