નેવાડા રેન્જમાં 41,000 એકર કરતા વધુ વિસ્તારો આગની લપટમાં તબાહ
કેલિફોર્નિયાની તાજેતરની જંગલમાં ફાટી નીકળેલી આગ યુએસ રાજ્યના મધ્ય પર્વતોમાં ઝડપથી ફેલાઈ રહી છે. ફાયર ફાઈટરો લોસ એન્જલસની દક્ષિણમાં એક મોટી આગ પર કાબુ મેળવવા પ્રયત્નો લરી રહ્યા છે.
આગ હવે માત્ર ચાર દિવસમાં સાન ફ્રાન્સિસ્કોના ઉત્તરપૂર્વમાં સિએરા નેવાડા રેન્જમાં 41,000 એકર કરતાં વધુ વિસ્તારમાં પોચી ગઈ છે તેવું સત્તાવાર કેલ ફાયર વેબસાઇટે અહેવાલ આપ્યો છે.
કેલ ફાયરે જણાવ્યું હતું કે, અલ ડોરાડો અને પ્લેસર કાઉન્ટીના ભાગોને આવરી લેતી આગ માત્ર 10 ટકા સમાયેલ છે. તે જણાવે છે કે જ્યારે ઠંડા તાપમાને એક અઠવાડિયાથી વધુની ઉષ્ણતાના કારણે આગની પ્રગતિને કંઈક અંશે ધીમી કરી દીધી હતી. મજબૂત પવન તેને ઉત્તર અને ઉત્તરપૂર્વ તરફ ધકેલી રહ્યા હતા જેના લીધે સેંકડો ઘરોને જોખમમાં મુકાયા છે.
દાવાનળને લીધે ફોરેસ્ટિલના નાના શહેરને વધતા જોખમનો સામનો કરવો પડી રહ્યો છે. સતત મકાનો ખાલી કરાવવાના આદેશો અને ચેતવણીઓ જારી કરવામાં આવી છે તેવું કેલ ફાયરે જણાવ્યું હતું.જ્યોર્જટાઉન, વોલ્કેનોવિલે અને બોટલ હિલના નગરોને અગાઉ ખાલી કરવાનો આદેશ આપવામાં આવ્યો હતો, તેવો દૈનિક સેક્રામેન્ટો બીએ અહેવાલ આપ્યો હતો.
આ ચોથી વખત છે જ્યારે અમને અહીંથી બહાર કાઢવામાં આવ્યા છે, તેવું વોલ્કેનોવિલેના જોશ મંઝરે બીને કહ્યું છે. પરંતુ આ તેમાંથી સૌથી વધુ ગંભીર ઘટના છે તેવું તેણે ઉમેર્યું છે. અધિકારીઓએ જણાવ્યું હતું કે હવામાન વિભાગની પરવાનગી મેળવી એરપ્લેન અને હેલિકોપ્ટર ગ્રાઉન્ડ ક્રૂને મદદ કરી રહ્યા છે.અધિકારીઓએ જણાવ્યું હતું કે, આગ જે યુ.એસ.ના દક્ષિણપશ્ચિમમાં ભયંકર ગરમીના લીધે લાગી છે તેમાં બે લોકોના મોત થયા હતા અને 20 ઇમારતો નાશ પામી હતી. પશ્ચિમ યુનાઇટેડ સ્ટેટ્સ બે દાયકા કરતાં વધુ સમય ઐતિહાસિક દુષ્કાળમાં છે જે વૈજ્ઞાનિકો કહે છે કે માનવસર્જિત આબોહવા પરિવર્તનને કારણે વધુ ખરાબ થઈ રહ્યું છે.
