- અમદાવાદમાં સાયન્સ સિટી ખાતે ACMA (અમદાવાદ કોમ્પ્યુટર મર્ચન્ટ્સ એસોસિએશન) આયોજિત ટેક એક્સ્પોનો શુભારંભ કરાવ્યો.
- આ પ્રસંગે, સમગ્ર દેશમાંથી પધારેલા પ્રદર્શકોના સ્ટોલની મુલાકાત લીધી અને તેમની સાથે સંવાદ સાધ્યો
- કોમ્પ્યુટર ક્ષેત્રે બિઝનેસ નેટવર્કિંગથી લઈને નવા સંશોધનોના પ્રસાર માટે આ એક્સ્પો એક સુંદર પ્લેટફોર્મ બની રહે તેવી શુભકામના
CM ભૂપેન્દ્ર પટેલે સાયન્સ સિટી, અમદાવાદમાં ACMA (અમદાવાદ કોમ્પ્યુટર મર્ચન્ટ્સ એસોસિએશન) ટેક એક્સ્પોનું ઉદ્ઘાટન કર્યું હતું. તેમજ CM ભૂપેન્દ્ર પટેલે દેશભરના ઘણા ટેકનિકલ પ્રદર્શકોના સ્ટોલની મુલાકાત લીધી હતી અને પ્રોત્સાહન પૂરું પાડ્યું હતું.
અત્રે ઉલ્લેખનીય છે કે અમદાવાદ સાયન્સ સિટીના વિજ્ઞાન ભવન ખાતે 2 થી 4 જાન્યુઆરી 2025 દરમિયાન ACMA ટેક એક્સ્પોનું આયોજન કરવામાં આવશે. તેમજ અમદાવાદ કોમ્પ્યુટર મર્ચન્ટ્સ એસોસિએશન (ACMA) ટેક એક્સ્પોનો હેતુ સમગ્ર દેશમાંથી પધારેલા 104થી વધુ અગ્રણી ટેક પ્રદર્શકોને એકસાથે લાવવાનો તેમજ ટેકનોલોજી ક્ષેત્રમાં નવીનતા અને સહયોગની ઉજવણી કરવાનો છે.
ACMA ટેક એક્સ્પોનો હેતુ
આ એક્સ્પોમાં પ્રદર્શન અને વેપાર મેળો, ACMA નેક્સ્ટ જનરેશન ટેક્નોલોજી સમિટ, બિઝનેસ ટુ બિઝનેસ એક્શન માટે સ્પીડ વેન્ડિંગ સેશન, ACMA સ્ટાર્ટઅપ સમિટ, CIO કોન્ક્લેવ સાયબર ગેમિંગ ચેમ્પિયનશિપ, સાયબર ક્રાઈમ વગેરે સહિત વિવિધ ઈવેન્ટ્સ અને પ્રવૃત્તિઓનો સમાવેશ થશે. આ ઉપરાંત, જાગૃતિ ઝુંબેશ, ACMA નેટવર્કિંગ ડિનર અને ઈ-વેસ્ટ કલેક્શન ડ્રાઇવનો ઉદ્દેશ્ય ટેકનોલોજી સિસ્ટમ્સ અને બિઝનેસ નેટવર્કિંગમાં જ્ઞાનની વહેંચણી તેમજ ટકાઉ પ્રથાઓને પ્રોત્સાહન આપવાનો છે.
ACMA ટેક એક્સ્પોમાં મહાનુભાવો રહ્યા ઉપસ્થિતિ
અમદાવાદના ACMA ટેક એક્સ્પોમાં મેયર, વિજ્ઞાન અને ટેકનોલોજી વિભાગના અગ્ર સચિવ, ACMAના પ્રમુખ, GTUના વાઇસ ચાન્સેલર, ગુજરાત કાઉન્સિલ સાયન્સ સિટીના ડિરેક્ટર, ACMA સેક્રેટરી અને અન્ય સભ્યો અને વિવિધ રાજ્યોના ટેકનિકલ પ્રદર્શકો ઉપસ્થિત રહ્યા હતા.
