- રાજકોટમાં સુરતની તરૂણી સાથે બસમાં દુ*ષ્કર્મ આચર્યુ હોવાની માહિતી સામે આવી છે
- મૂળ ગીર-સોમનાથના આરોપી વિજય બારડે તરૂણીનો પીછો કર્યો અને તેની પાછળ-પાછળ બસમાં ચઢી ગયો
- તરૂણીને શારીરિક રિપોર્ટ માટે હોસ્પિટલ મોકલી આ મામલે વધુ તપાસ હાથ ધરી
હવે મહિલા અને બાળકી કયાંય પણ સુરક્ષિત નથી. ગુજરાતને ફરી એક વખત શર્મસાર કરે તેવી ઘટના સામે આવી છે. દિકરીઓની સુરક્ષા પર અવાર નવાર પ્રશ્નો ઊભા થતા હોય છે. ફરી એક વખત મહિલા સુરક્ષા પર વિચાર કરવા પર મજબૂર કરતો કિસ્સો સામે આવ્યો છે. તેમજ મહિલા અને બાળકીઓ માટે કથિત રીતે સુરક્ષિત કહેવાતા ગુજરાતમાંથી ચોંકાવનારી ઘટના સામે આવી છે. જ્યાં રાજકોટમાં સુરતની તરૂણી સાથે બસમાં દુ*ષ્કર્મ આચર્યુ હોવાની માહિતી સામે આવી છે. પોલીસે હાલ આ મામલે તરૂણીનું નિવેદન નોંધી અલગ-અલગ ટીમ બનાવી તપાસ હાથ ધરવામાં આવી છે.
શું હતી ઘટના?
અનુસાર માહિતી દરમિયાન, સુરતની તરૂણી રાજકોટમાં હોસ્ટેલમાં અભ્યાસ કરતી હતી અને પોતાના ઘરે સુરત જઈ રહી હતી. ત્યારે આ દરમિયાન સ્લીપર કોચવાળી બસમાં તરૂણી સુરત જઈ રહી હતી. ત્યારે મૂળ ગીર-સોમનાથના આરોપી વિજય બારડે તરૂણીનો પીછો કર્યો હતો અને તેની પાછળ-પાછળ બસમાં ચઢી ગયો. ત્યારબાદમાં આરોપીએ બસમાં જ તરૂણી પર દુ*ષ્કર્મ આચર્યું હતું. મળતી માહિતી મુજબ, આરોપી વિજય બારડ તરૂણીની હોસ્ટેલમાં જ કામ કરતો હતો અને બંને એકબીજાના સંપર્કમાં પણ હતાં.
સ્લીપર કોચ બસમાં દુ*ષ્કર્મ આચર્યુ
રાજકોટની તરુણી સાથે સ્લીપર કોચ બસમાં દુ*ષ્કર્મની ઘટનાથી ચકચાર મચી છે,તરૂણી તેના ઘરે સુરત જઈ રહી હતી ત્યારે તે દરમિયાન આ ઘટના બની હોવાની વાત સામે આવી છે. ગીર સોમનાથના વિજય બારડ દ્વારા દુ*ષ્કર્મ આચર્યા હોવાની વિગતો સામે આવી છે. રાજકોટમાં 0 નંબરથી ફરીયાદ નોંધી ફરિયાદ સુરત મોકલવામાં આવી છે અને સુરતની મહિધરપુરા પોલીસ આ બાબતે તપાસ કરી રહી છે,આરોપીએ પીછો કર્યો અને તે તરૂણી સુધી પહોંચી ગયો હતો અને તેની સાથે બ્લેકમેલ કરવામાં આવ્યું હોવાની પણ વાત સામે આવી છે.
તરૂણી અને આરોપી એકબીજાને ઓળખતા હતા
અનુસાર માહિતી મુજબ, ચાલુ બસમાં દુ*ષ્કર્મની ઘટનાની પીડિતા રાજકોટ હોસ્ટેલમાં રહેતી હતી. આ દીકરી હજી યુવાન પણ થઈ ન હતી. તેમજ તે સગીર હોવાની માહિતી મળી છે. આરોપી ગીર સોમનાથનો વિજય બારડ પણ રાજકોટની હોસ્ટેલમાં કામ કરતો હતો. તરૂણી અને આરોપી એકબીજાને ઓળખતા હોવાનું સામે આવ્યું છે.
પોલીસે હાથ ધરી તપાસ
તરૂણી જ્યારે સુરત પહોંચી તો તેણે પોલીસ સ્ટેશને જઈ સમગ્ર બાબતે ફરિયાદ નોંધાવી હતી. પોલીસે આ મામલે તરૂણીનું નિવેદન નોંધ્યું છે અને શારીરિક રિપોર્ટ માટે હોસ્પિટલ મોકલી આ મામલે વધુ તપાસ હાથ ધરવામાં આવી છે. સમગ્ર માહિતી દરમિયાન નોંધનીય છે કે, આરોપી હજુ સુધી પોલીસની પકડમાં આવ્યો નથી. પોલીસે આરોપીને પકડવા માટે ચક્રો ગતિમાન કર્યા છે.
