સાબરકાંઠા સમાચાર
સાબરકાંઠા જીલ્લાના ઈડર તાલુકાના ચોરિવાડ ગામ ખાતે આવેલ જી.એમ.પટેલ પ્રાથમિક શાળાના પટાંગણમાં તાલુકા કક્ષાનો ૭૪ મો વન મહોત્સવની ઉજવણી ઈડર વડાલીના ધારાસભ્ય રમણલાલ વોરાના અધ્યક્ષસ્થાને કરવામાં આવી હતી અને શાળાના મેદાનમાં વૃક્ષારોપણ કાર્યક્રમ કરવામાં આવ્યો હતો.
ત્યારબાદ વૃક્ષ રથને ધારાસભ્ય રમણલાલ વોરા દ્વારા લીલી ઝંડી આપી પ્રસ્થાન કરાવ્યું હતું. આ પ્રસંગે ઈડર પ્રાંત અધિકારી, મામલતદાર, આર.એફ.ઓ જી.એ. પટેલ વિસ્તરણ રેન્જ ઈડર અને જીલ્લા સદસ્ય શંકરભાઈ,તાલુકા પંચાયત પ્રમુખ હર્ષાબેન,ઈડર તાલુકા ભાજપ પ્રમુખ પ્રેમલ દેસાઈ તેમજ તાલુકા કારોબારી અધ્યક્ષ દક્ષાબેન,ચોરીવાડ સરપંચ ભરતભાઈ તથા ગ્રામજનો અને શાળાના બાળકો,વન કર્મીઓ મોટી સંખ્યામાં ઉપસ્થિત રહ્યા હતા.
