તાઇવાન ધણઘણી ઉઠ્યું : ધડાધડ 80 ભૂકંપના આચકા

• સૌથી મોટો 6.3ની તીવ્રતાનો આંચકો આવ્યો : પર્વતીય વિસ્તારોમાં ભુસ્ખલન અને રોડ- રસ્તાઓ પ્રભાવિત થયા

તાઇવાનમાં એક જ રાતમાં 80 જેટલા ભુકંપ અનુભવાયા છે. સોમવારે તાઈવાનની પૂર્વીય કાઉન્ટી હુઆલીનમાં 6.3ની તીવ્રતાનો ભૂકંપ આવ્યો હતો. સોમવારે દેશમાં આવેલો આ સૌથી શક્તિશાળી ભૂકંપ હતો. તાઇવાનની રાજધાની રાતથી વહેલી સવાર સુધી ભૂકંપથી પ્રભાવિત થઈ હતી. સેન્ટ્રલ મીટીરોલોજીકલ એડમિનિસ્ટ્રેશને જણાવ્યું હતું કે સૌથી મોટો 6.3-તીવ્રતાનો ભૂકંપ પૂર્વીય હુઆલીનમાં આવ્યો હતો.

સેન્ટ્રલ મીટીરોલોજીકલ એડમિનિસ્ટ્રેશનના જણાવ્યા અનુસાર, પ્રથમ તીવ્ર ભૂકંપ 5.5ની તીવ્રતા સાથે આવ્યો હતો. તે સોમવારે સ્થાનિક સમય મુજબ સાંજે 5:08 વાગ્યે (ભારતીય સમય મુજબ રાત્રે 10 વાગ્યે) આવ્યો હતો. રાજધાની તાઈપેઈમાં આ આંચકો અનુભવાયો હતો.

તાઈપેઈમાં પ્રત્યક્ષદર્શીઓના જણાવ્યા અનુસાર, આ પછી રાત્રે 2:30 વાગ્યે (ભારતીય સમય મુજબ 12:00 વાગ્યે) એક પછી એક બે જોરદાર આંચકા અનુભવાયા હતા. તાઈપેઈના દાન જિલ્લામાં રહેતા એક પ્રવાસી ઓલિવિયર બોનિફેસિયોએ કહ્યું કે મને લાગ્યું કે મને ચક્કર આવી રહ્યા છે. હું મારા રૂમમાં ગયો અને જોયું કે બિલ્ડિંગ ધ્રૂજી રહ્યી હતી અને મેં ડેસ્કને હલતા જોયુ તેણે કહ્યું. પછી તેને સમજાયું કે તે બીજો ઝટકો હતો.

સેન્ટ્રલ મીટીરોલોજીકલ એડમિનિસ્ટ્રેશને જણાવ્યું હતું કે સવારે 2:26 વાગ્યે 6.0ની તીવ્રતાનો ભૂકંપ આવ્યો હતો, ત્યારબાદ છ મિનિટ પછી 6.3ની તીવ્રતાનો ભૂકંપ આવ્યો હતો. યુએસ જીઓલોજિકલ સર્વેએ તેને પહેલા 6.1, પછી 6.0 પર મૂક્યું. હુએલિન વિસ્તાર 3 એપ્રિલના રોજ 7.4 તીવ્રતાના ભૂકંપનું કેન્દ્ર હતું. જેના કારણે પર્વતીય વિસ્તારની આસપાસ ભૂસ્ખલન અને રસ્તાઓ બંધ થયા હતા. ઉપરાંત મુખ્ય હુઆલીન શહેરની ઇમારતોને ખરાબ રીતે નુકસાન થયું હતું.