- દિવાલ ધરાશાયી થતાં ઓટો રિક્ષાને ભારે નુકશાન
- સદનસીબે જાનહાનિ ટળી
સુરત ન્યૂઝ : સુરત શહેરમાં આવેલ નવાગામ ડીંડોલી વિસ્તારમાં આવેલ રામાયણ પાર્કની દિવાલ ધરાશાયી હોવાની ઘટના સામે આવી છે. આ દીવાલ અચાનક ધરાશાયી થતાં પાસે રહેલી રિક્ષા પર પડતાં ઓટો રિક્ષાને ભારે નુકશાન થયું હતું. પરંતુ સદભાગ્યે કોઈ જાનહાનિ થઈ નથી.
સુરત શહેરમાં આવેલ નવાગામ ડીંડોલી વિસ્તારમાં આવેલ રામાયણ પાર્કની દિવાલ ધરાશાયી થતાં આસપાસ રહેતા સ્થાનિકોમાં ભયનો માહોલ જોવા મળ્યો હતો. આ પાર્કની દિવાલની આજુબાજુમાં બાળકો રમતા હોય છે. તેથી બાળકોને ઇજા પહોંચવાની ભીતિ રહે છે. સદભાગ્યે હાલ કોઈ જાનહાનિ નથી થઈ. અને દુર્ઘટના ટળી ગઈ છે. પરંતુ આગળ આવી કોઈ ઘટના ન બને તે માટે લોકો માંગ કરી રહ્યાં છે.
ભાવેશ ઉપાધ્યાય
