- માર્ચ મહિનામાં મહાનગરપાલિકા દ્વારા પુરજોશમાં કરાઈ વેરા વસુલાતની કામગીરી
- મહિનાના અંત સુધીમાં વર્ષમાં પ્રથમ વખત ઐતિહાસિક રૂ.1716 કરોડની કરી વસુલાત
- રજાના દિવસોમાં પણ મહાનગરપાલિકા દ્વારા વેરા વસુલાતની કામગીરી શરુ
રાજ્યની આર્થિક રાજધાની બની રહેલા સુરતની વેરાની આવકમાં માર્ચ સુધીમાં સૌથી વધુ વધારો નોંધાયો છે. નાણાકીય વર્ષ 2024-25ના આજે અંતિમ દિવસે સુરત મહાનગરપાલિકા દ્વારા માર્ચ મહિનામાં વેરા વસૂલાતને કામગીરી ખૂબ મોટાપાયે શરૂ કરવામાં આવી હતી. આજ દિન સુધીમાં એક દિવસમાં 41.75 કરોડ પ્રાપ્ત થયેલ સૌથી વધુ વસૂલાત છે. વર્ષ2024-25માં વ્યવસાય વેરામાં 167 કરોડ તથા વાહન વેરામાં 153.33 કરોડ જેટલી વસૂલાત પ્રાપ્ત થઈ છે. જે એક વર્ષમાં પ્રાપ્ત થયેલી સૌથી વધુ વસુલાત છે.
સુરત મહાનગરપાલિકા એવેરા વસૂલાતનો લક્ષ્યાંક પ્રાપ્ત કરવા એડી ચોટીનું જોર લગાવવામાં આવ્યો હતું. સૌથી વધુ વરાછા ઝોન બી અને સૌથી ઓછું સેન્ટ્રલ ઝોનમાં વેરા વસૂલાત થઈ છે. રાજ્યની આર્થિક રાજધાની સુરત મહાનગરપાલિકાની આવકના પ્રમુખ સ્ત્રોત પૈકી વેરા વસૂલાતમાં ચાલુ નાણાકીય વર્ષમાં અત્યાર સુધી માત્ર 75% ટકાનો લક્ષ્યાંક જ સિદ્ધ થવા પામ્યો છે. છેલ્લા એક મહિનાથી તમામ ઝોન દ્વારા મોટા પાયે વેરા વસૂલાતની ઝુંબેશ વચ્ચે પણ હજી સુધી ધારી સફળતા મેળવી શક્યા નથી. 30 માર્ચ સુધીમાં 2390 કરોડ રૂપિયાનાં ટાર્ગેટ સામે મહાનગરપાલિકાની તિજોરીમાં વેરા પેટે માત્ર 1716 કરોડ રૂપિયાની આવક થઈ છે.
આગામી નાણાકીય વર્ષ માટે 10 હજાર કરોડ રૂપિયાનાં ડ્રાફ્ટ બજેટ વચ્ચે ચાલુ વર્ષે પેઈડ અપ એફએસઆઈ પેટે 900 કરોડના લક્ષ્યાંક સામે 1100 કરોડ રૂપિયાની માતબર આવક થઈ છે. જ્યારે બીજી તરફ આવકના એક અન્ય મહત્વપૂર્ણ સ્ત્રોત ગણાતાં વેરા વસૂલાતમાં ચાલુ વર્ષે મહાનગરપાલિકાને ધારી સફળતા મળી નથી. મિલ્કતદારો પાસેથી વસુલવામાં આવતી વેરા વસૂલાતનો લક્ષ્યાંક હજી સુધી માત્ર 75 ટકાએપહોંચ્યો છે. શહેરનાં નવ ઝોન મળી કુલે 2390.59 કરોડ રૂપિયાના લક્ષ્યાંક સામે ચાલુ વર્ષે માત્ર 1716 કરોડ રૂપિયાની જ વસૂલાત થવા પામી છે. વર્ષ2024-25 માં વ્યવસાય વેરામાં 167 કરોડ તથા વાહન વેરામાં 153.33 કરોડ જેટલી વસૂલાત પ્રાપ્ત થઇ છે. જે એક વર્ષમાં પ્રાપ્ત થયેલ સૌથી વધુ વસૂલાત છે.
અહેવાલ: ભાવેશ ઉપાધ્યાય
