સુરત : આયુર્વેદિક નશાકારક ગોળીઓની હેરાફેરી કરતો ઈસમ ઝડપાયો

• નશાકારક ગોળીની હેરાફેરી કરતાં ઈશમ ઝડપાયો 
• 66,560 ગોળીનો જથ્થો એસઓજીએ જપ્ત કર્યો

સુરત ન્યૂઝ : સુરતમાં આયુર્વેદિકની નશાકારક ગોળીની હેરાફેરી કરતાં ઈશમને એસઓજી દ્વારા ઝડપી પડાયો. 66,560 ગોળીનો જથ્થો એસઓજીએ જપ્ત કર્યો હતો . જેની કિંમત 6,65,600 થાય છે. એસઓજીએ બાતમીના આધારે ગોડાદરા મંગલ પાંડે હોલની બાજુમાંથી પસાર થતા ટેમ્પાને ઉભો રાખ્યો હતો ત્યારબાદ આ ટેમ્પામાં તપાસ કરતા તેમાંથી શંકાસ્પદ તરંગ નામની આયુર્વેદિક નશાકારક ગોળીઓ મળી આવી હતી.

ટેમ્પાના ડ્રાઇવર ચંદુ લાઠીયાની ધરપકડ કરી પૂછપરછ કરતાં આયુર્વેદિક ગોળીઓ ઔષધીથી બની છે અને તેમાં નશો થાય છે તેવું જાણવા મળ્યું હતું . પૈસાની લાલચમાં આવીને તે આ ગોળીઓનું વેચાણ કરિયાણાની દુકાનો પર કરતો હતો તેવું જણાવ્યુ હતું . સમગ્ર ઘટના અંગે  ગોડાદરા પોલીસે ગુનો દાખલ કરી  વધુ તપાસ હાથ ધરી છે .

ભાવેશ ઉપધ્યાય