સુરત : જનેતાએ બે બાળકોને દૂધમાં ઝેર પીવડાવી પોતે પણ આત્મહત્યા કરવાનો પ્રયાસ કર્યો

સુરતના સચિન વિસ્તારમાં મહિલાએ બે માસુમ બાળકોને દૂધમાં ઝેર પીવડાવી પોતે પણ ઝેર ગટગટાવ્યું હોવાની ઘટના સામે આવી છે. જેથી ત્રણેયને સિવિલ હોસ્પિટલ ખાતે ખસેડવામાં આવ્યા હતા. જ્યાં માતા અને બંને બાળકોની હાલતમાં સુધારો હોવાનું જાણવા મળી રહ્યું છે. પ્રાથમિક તપાસમાં જાણવા મળ્યું છે કે, મહિલાએ માનસિક તણાવમાં આવી આપઘાતનો પ્રયાસ કર્યો હતો.સમગ્ર ઘટના અંગે વાત કરીએ તો મહિલાએ  બીજા લગ્ન કર્યા હતા અને બંને બાળકો પહેલા  પતિના હોવાનું જાણવા મળ્યું છે તથા તેનો  બીજો પતિ પણ અલગ રહે છે. આપઘાતના પ્રયાસ પાછળનું કારણ અકબંધ છે ત્યારે પોલીસે  સમગ્ર મામલે તપાસ શરૂ કરી છે.