ડિજિટલ કોર્ટરૂમ, ગ્રીન વોલ, ડિજિટલ વિડીયો કોન્ફરન્સ સિસ્ટમની અમલવારી
સુપ્રીમ કોર્ટના 73 વર્ષના ઈતિહાસમાં પ્રથમ વખત ભારતના મુખ્ય ન્યાયાધીશ અને બે સૌથી વરિષ્ઠ ન્યાયાધીશોની કોર્ટરૂમ તદ્દન જુદા દેખાવા જઈ રહ્યા છે. હાલ સુધી કોર્ટરૂમ ફાઈલોથી ભરચક દેખાતી હતી. કોર્ટરૂમના ડેસ્ક પર પણ ઢગલોબંધ ફાઈલો જોવા મળતી હતી પણ હવે ડિજિટલ કોર્ટરૂમ તૈયાર કરી લેવામાં આવ્યો છે જે આજથી જ વકીલો, પક્ષકારોને આવકારવા સજ્જ છે.
ઉનાળુ વેકેશન પછી આજથી સુપ્રીમ કોર્ટ ફરી ખુલી છે જસમાં કોર્ટરૂમ્સ 1 થી 3માં તકનીકી રીતે અદ્યતન વાતાવરણ લાવવા માટે ભવિષ્યની સુવિધાઓ ઉપલબ્ધ કરાવવામાં આવી છે. ચીફ જસ્ટિસ ચંદ્રચુડના ગતિશીલ વિઝનને અમલમાં મૂકવા માટે તમામ ઉર્જા-કાર્યક્ષમ ગ્રીન પહેલ અપગ્રેડ કરવામાં આવી છે. ન્યાયતંત્ર અને ન્યાય વિતરણ પ્રણાલીમાં ટેકનોલોજીનો શ્રેષ્ઠ ઉપયોગ કરવા માટે આગળ ધપી રહ્યું છે.
ત્રણ સુપ્રીમ કોર્ટ કોર્ટરૂમમાં ટેક્નોલોજી આધારિત ફેરફારો કરવામાં આવ્યા છે. જેમાં સંચાર અને સહયોગ માટે અત્યાધુનિક ડિજિટલ વિડિયો કોન્ફરન્સિંગ (વીસી) સિસ્ટમનો સમાવેશ થાય છે. આ સિસ્ટમ સીમલેસ રિમોટ પાર્ટિસિપેશન અને વર્ચ્યુઅલ મીટિંગ્સને સક્ષમ કરે છે, કોર્ટરૂમની કાર્યવાહીની સુલભતા અને કનેક્ટિવિટી વધારશે, તેવું એસસીના એક વરિષ્ઠ અધિકારીએ જણાવ્યું હતું.
સુપ્રીમ કોર્ટની મુલાકાત લેતા વકીલો, પત્રકારો અને અન્ય હિસ્સેદારો માટે તેની ઇ-પહેલના ભાગરૂપે સુપ્રીમે રવિવારે વાઇ-ફાઇ સુવિધા બનાવવાની સૂચના આપી હતી. હાલ માટે આ સુવિધા ચીફ જસ્ટીઅની કોર્ટ, કોર્ટ નંબર 2 થી 5 પર ઉપલબ્ધ રહેશે, જેમાં કોરિડોર અને પ્લાઝાની સામેનો સમાવેશ થાય છે. આગામી દિવસોમાં આખા કોર્ટ પરિસરને અત્યાધુનિક બનાવવા તરફ ધ્યાન કેન્દ્રિત કરવામાં આવ્યું છે.
પ્રથમ ત્રણ સુધારેલા કોર્ટરૂમમાં ટેક્નોલોજીના ઇન્ફ્યુઝનની હદને સમજાવતા એક અધિકારીએ જણાવ્યું હતું કે, આધુનિક ટેક્નોલોજીની વિવિધ કનેક્ટિવિટી જરૂરિયાતોને પૂરી કરવા માટે કેબલ ક્યુબીઝને આ કોર્ટરૂમમાં એકીકૃત કરવામાં આવ્યા છે. આ ક્યુબીઝ એચડીએમઆઈ આઉટપુટ, યુએસબી પોર્ટ્સથી સજ્જ છે. ચાર્જિંગ ઉપકરણો, લેન કનેક્શન્સ અને પાવર સોકેટ્સ માટે પણ સુવિધા ઉભી કરવામાં આવી છે. આ અદ્યતન ઈન્ફ્રાસ્ટ્રક્ચર અનુકૂળ કનેક્ટિવિટી વિકલ્પો પ્રદાન કરે છે, જે મલ્ટીમીડિયા ઉપકરણોના સીમલેસ એકીકરણ માટે પરવાનગી આપે છે. આજે વકીલો અને અરજદારો પ્રથમ ત્રણ સૌથી વરિષ્ઠ ન્યાયાધીશોની આગેવાની હેઠળની બેન્ચ માટે વર્ચ્યુઅલ કોર્ટરૂમના આમૂલ પરિવર્તનના સાક્ષી બન્યા છે.
