- પૃથ્વી પર પગ મૂકતાં જ સુનિતા વિલિયમ્સ સામે હશે અનેક પડકાર..!
- સુનિતા વિલિયમ્સને પૃથ્વી પર ઉતરતા જ આ સમસ્યા ઘેરી લેશે!
- બેબી ફિટ શું છે અને તેનો કયા અંગ સાથે સંબંધ છે?
સુનિતા વિલિયમ્સ અને બુચ વિલ્મોર અવકાશથી પાછા ફરતા અને પૃથ્વી પર પગ મૂકતા જ બેબી ફિટ ની સમસ્યાનો સામનો કરશે. જોકે, આ કોઈ રોગ નથી પણ એક એવી સ્થિતિ છે જેનો દરેક માનવી સામનો કરે છે. ચાલો આ સ્થિતિ વિશે જાણીએ અને તેના લક્ષણો વિશે પણ વાત કરીએ…
ભારતીય મૂળના અવકાશયાત્રીઓ સુનિતા વિલિયમ્સ અને બુચ વિલ્મોર, જેઓ 9 મહિનાથી આંતરરાષ્ટ્રીય અવકાશ મથક (ISS) માં અટવાયેલા છે, તેઓ આવતીકાલે પૃથ્વી પર પાછા ફરશે, પરંતુ પૃથ્વી પર પગ મૂકતાની સાથે જ, બંનેને એક ખાસ સમસ્યાનો સામનો કરવો પડશે. આ શરીરના એક ભાગની ચિંતા કરે છે જે બંને અવકાશયાત્રીઓને ઘણા મહિનાઓ સુધી સહન કરવું પડશે. ખરેખર, આપણે બેબી ફિટ , એટલે કે બાળકોના પગ વિશે વાત કરી રહ્યા છીએ. સુનિતા અને બુચના પગ બાળક જેવા હોવાની ચર્ચા થઈ રહી છે કારણ કે આટલા લાંબા સમય સુધી અવકાશમાં રહેવાને કારણે બંનેના પગ બાળક જેવા થઈ ગયા છે.
તેથી તેઓ પોતાની મેળે પૃથ્વી પર ચાલી શકશે નહીં. જેમ બાળકને માતાના ગર્ભમાંથી જન્મ્યા પછી ચાલતા શીખવામાં ઘણા વર્ષો લાગે છે, તેવી જ રીતે સુનિતા અને બુચને પૃથ્વીના ગુરુત્વાકર્ષણ સાથે સમાયોજિત થવામાં અને ચાલતા શીખવામાં સમય લાગશે. ભલે તેમને પૃથ્વી સાથે પોતાને સમાયોજિત કરવામાં કોઈ સમસ્યા નહીં થાય, પરંતુ આટલા લાંબા સમય સુધી અવકાશમાં રહેવાથી બંને અવકાશયાત્રીઓના શરીર ચોક્કસપણે પ્રભાવિત થશે, કારણ કે તે બંને ખૂબ લાંબા સમય સુધી પૃથ્વીના ગુરુત્વાકર્ષણથી બહાર રહેશે. તેથી, પૃથ્વી પર ઉતર્યા પછી બંને માટે સૌથી મોટો પડકાર તેમના શરીરને પૃથ્વીના ગુરુત્વાકર્ષણમાં સમાયોજિત કરવાનો રહેશે.
જમીન પર આવતાં જ પડકારનો સામનો
સુનિતા વિલિયમ્સ ઘણા સમયથી અવકાશમાં હોવાથી તેમના માટે જમીન પર ઉતરવું એટલું સહેલું નહીં રહે. જમીન પરની ગ્રેવિટી સાથે એડજસ્ટ થવામાં તેમને ખૂબ જ વાર લાગશે. તેમ જ, તેમને દરેક વસ્તુ ખૂબ જ વજનદાર લાગશે. તેઓ આઠ મહિનાથી અવકાશમાં રહેતા હતા અને તેમના માટે હવે જમીન પર ખૂબ જ ફિઝિકલ ચેલેન્જ જોવા મળશે. આ વિશે બુચ વિલ્મોર કહે છે, ‘ગ્રેવિટી ખૂબ જ મુશ્કેલ રહેશે. અમે જ્યારે પૃથ્વી પર આવીએ ત્યારે અમારા માટે એ ચેલેન્જ હશે અને અમે એને અનુભવી શકીશું. ગ્રેવિટીને કારણે અમને દરેક વસ્તુ વજનદાર લાગશે. અમારા માટે પેન્સિલ ઊંચકવી પણ એક વર્કઆઉટ જેવું હશે.’
ગ્રેવિટી સાથે એડજસ્ટ થવું મોટી ચેલેન્જ
અવકાશયાનમાંથી બહાર આવીને ગ્રેવિટી સાથે એડજસ્ટ થવું ખૂબ જ ચેલેન્જિંગ રહેશે. આ વિશે વાત કરતાં સુનિતા વિલિયમ્સ કહે છે, ‘અમારા માટે ગ્રેવિટી સાથે એડજસ્ટ થવું થોડું મુશ્કેલ રહેશે. અમારા માટે એ રોજે-રોજની પ્રક્રિયા રહેશે જ્યાં અમારે આપણા શરીરના દરેક મસલ્સને ફરી કામ કરતાં કરવા પડશે.’
સ્પેસમાં તમને વેઇટલેસ હોવાનો આનંદ મળે છે એમાંથી જમીન પર આવી ગયા પછીના 24 કલાકની અંદર એ સેન્સેશન દૂર થઈ જશે અને વજનનો અહેસાસ થવાનું શરુ થઈ જશે. વજન ઉઠાવવાની કોઈ એક્ટિવિટી અવકાશમાં ન થતી હોવાથી અવકાશયાત્રીનું એક મહિનાની અંદર એક ટકા બોન માસ ઓછું થઈ જાય છે. આથી જમીન પર આવ્યા પછી તેમને એ માટે ટ્રેઇનિંગ આપવામાં આવશે અને તેમની દેખરેખ રાખવામાં આવશે.
શરીરના અંદરના પ્રવાહીને પણ એડજસ્ટ થવામાં વાર લાગશે
અવકાશમાં શરીરના અંદરના પ્રવાહીને ગ્રેવિટી લાગતી નથી, આથી તે પણ શરીરમાં જુદી રીતે કાર્ય કરતા હોય છે. પરંતુ, જમીન પર આવતાં જ તેમને પણ ગ્રેવિટી લાગશે અને તેઓ ફરીથી સામાન્ય રીતે કામ કરવા લાગશે. આ સમયે જે-તે વ્યક્તિને શરીરમાં ડિસકમ્ફર્ટ લાગવાની શક્યતા છે. આ તકલીફોનો સામનો હોવા છતાં, તેઓ જમીન પર આવવા માટે ખૂબ જ ઉત્સાહી અને આશાવાદી છે. અગાઉ પણ તેઓ ઘણા સમય સુધી અવકાશમાં રહ્યા હતા અને જમીન પર આવતાં જ ખૂબ જ સારી રીતે એડજસ્ટ થઈ ગયા હતા. આ વખતે પણ તેઓ બન્ને એ જ આશા રાખી રહ્યા છે. આ વિશે બુચ વિલ્મોર કહે છે, ‘સ્પેસમાં હવામાં રહેવાનો અનુભવ ખૂબ જ રસપ્રદ છે. મને મારા ક્રેઝી વાળ ખૂબ જ પસંદ છે.’
