- સંરક્ષણ ક્ષેત્રે આત્મનિર્ભર તરફ વધુ એક મક્કમ પગલું
- મિસાઈલ 300 કિલોગ્રામ સુધીના પરંપરાગત હથિયારો લઈ જઈ શકે છે: મહત્તમ 1500 કિમી સુધી દૂર જઈ શકે છે
ભારત દેશ દરેક ક્ષેત્રે આત્મા નિર્ભર બનવા તરફ આગળ વધી રહ્યું છે અને તેના માટે ઉદ્યોગોને સતત પ્રોત્સાહિત પણ કરવામાં આવે છે ત્યારે ભારત દ્વારા સંરક્ષણ ક્ષેત્રે આત્મ નિર્ભર તરફનું વધુ એક મક્કમ પગલું ભર્યું છે. જેમાં નિર્ભય ક્રૂઝ મિસાઈલનું સફળ પરીક્ષણ કરવામાં આવ્યું હતું અને આ મિસાઇલને 1000 કિમી દૂર બેઠેલા દુશ્મનને દ્વશત કરવા માટે બનાવવામાં આવી છે. આ સફળ પરીક્ષણ બાદ ભારતનું સંરક્ષણ ક્ષેત્ર વધુ મજબૂત બન્યું છે.
સંરક્ષણ સંશોધન અને વિકાસ સંગઠન એ 18 એપ્રિલ 2024 ના રોજ સ્વદેશી એન્જિન સાથે નિર્ભય આઇ. ટી.સી.એમ ક્રુઝ મિસાઈલનું સફળ પરીક્ષણ કર્યું. આ મિસાઈલમાં સ્વદેશી એન્જિન લગાવવાથી તેની તાકાત વધુ વધી છે. આ દરમિયાન, રેન્જ સેન્સર, ઇલેક્ટ્રો-ઓપ્ટિકલ ટ્રેકિંગ સિસ્ટમ અને ટેલિમેટ્રી કી દ્વારા મિસાઇલનો સમગ્ર માર્ગ ટ્રેક કરવામાં આવ્યો હતો. વાયુસેનાના સુખોઈ -30-એમ.કે-1 ફાઈટર જેટ દ્વારા પણ આ મિસાઈલની ઉડાન પર નજર રાખવામાં આવી હતી. મિસાઇલ પરીક્ષણના તમામ ધોરણોને પૂર્ણ કરે છે. આ દરમિયાન તેણે દરિયાઈ સ્કિમિંગ એટલે કે દરિયાની ઉપર ઓછી ઊંચાઈએ ઉડવાનું પ્રદર્શન કર્યું.
નિર્ભય મિસાઈલે પરીક્ષણ દરમિયાન 864 કિમી થી 1111 કિમી પ્રતિ કલાકની ઝડપ હાંસલ કરી હતી. આ મિસાઈલ ટેરેન હગિંગ ક્ષમતા પણ ધરાવે છે. આ એવી સ્થિતિ છે જેમાં તેને ટાર્ગેટ કરીને નિષ્ક્રિય કરવું ખૂબ જ મુશ્કેલ બની જાય છે. આ બે તબક્કાની મિસાઈલ છે. પ્રથમ તબક્કામાં ઘન બળતણ અને બીજા તબક્કામાં પ્રવાહી બળતણનો ઉપયોગ થાય છે.
આ મિસાઈલ 300 કિલોગ્રામ સુધીના પરંપરાગત હથિયારો લઈ જઈ શકે છે. મહત્તમ શ્રેણી 1500 કિમી છે. તે જમીનથી ઓછામાં ઓછા 50 મીટર અને વધુમાં વધુ 4 કિમી સુધી ઉડીને લક્ષ્યને નષ્ટ કરી શકે છે. તેની પાસે એવી સિસ્ટમ છે કે તે રસ્તામાં તેની દિશા બદલી શકે છે. તેનો અર્થ એ છે કે તે ફરતા લક્ષ્યોને પણ નષ્ટ કરી શકે છે. તેને સમુદ્ર અને જમીન બંને પરથી મિસાઈલ લોન્ચરથી છોડી શકાય છે. એવી આશા રાખવામાં આવે છે કે સેનામાં સામેલ થયા બાદ આ મિસાઇલોને ચીન સાથેની એલ.એ.સી બોર્ડર પર તૈનાત કરવામાં આવશે. નિર્ભય 6 મીટર લાંબો અને 0.52 મીટર પહોળો છે. તેની પાંખોની કુલ લંબાઈ 2.7 મીટર છે.
એવું માનવામાં આવે છે કે આ મિસાઈલ એવી ટેક્નોલોજીથી પણ સજ્જ છે, જેના દ્વારા દુશ્મનના નિશાનને ખતમ કરતા પહેલા તેની તસવીર અને વીડિયો કેપ્ચર કરીને કંટ્રોલ રૂમને મોકલી દેશે. આ મિસાઈલમાં સ્વદેશી માણિક ટર્બોફેન એન્જિનનો ઉપયોગ કરવામાં આવ્યો છે. આ મિસાઈલ ની સ્ટ્રાઈક રેન્જ 400 થી 500 કિલોમીટરની છે અને તેને વધારી 1500 કિલોમીટર સુધી કરવામાં આવી છે એટલું જ નહીં આર્મી અને ઇન્ડિયન એરફોર્સમાં મિસાઈલ કાર્ય કરી રહી છે પરંતુ ગઈકાલે જે પરીક્ષણ હાથ ધરવામાં આવ્યું તેનાથી સરક્ષણ ક્ષેત્રને ઘણો સારો વ્યાપ મળશે અને મજબૂતી પણ વધશે.
