- ગ્રામીણ વિસ્તારની તમામ જમીનને યુનિક પ્લોટ આઇડેન્ટિફિકેશન નંબર અપાશે
- પ્રધાનમંત્રી મુદ્રા યોજનાની લોનની રકમ બમણી કરી દેવાય : વધુ લોકોને વ્યવસાય તરફ વળી પગભર કરવાનો પ્રયાસ
- જમીનને લગતી તકરાર નિવારવા શહેરી અને ગ્રામીણ બંને વિસ્તારોમાં જમીન પ્રશાસન, શહેરી નિયોજન અને મકાન સંબંધિત નિયમોમાં ફેરફાર કરાશે
દેશમાં ચાલી રહેલી વિવિધ યોજનાઓ દ્વારા ગરીબ અને મધ્યમ વર્ગને લાભ આપવામાં આવે છે. આ માટે ભારત સરકાર ઘણી યોજનાઓ ચલાવે છે, જેમાંથી એક પ્રધાનમંત્રી મુદ્રા યોજના છે. આ યોજના વિશે, આજે એટલે કે 23 જુલાઈ 2024 ના રોજ, નાણા પ્રધાન નિર્મલા સીતારમણે સંસદમાં બજેટ રજૂ કરતી વખતે મુદ્રા લોનને લઈને મોટી જાહેરાત કરી હતી.
વાસ્તવમાં, નાણામંત્રી નિર્મલા સીતારમણે સંસદમાં બજેટ રજૂ કરતી વખતે જાહેરાત કરી હતી કે હવે મુદ્રા લોન 20 લાખ રૂપિયા સુધી મળશે. જ્યારે પહેલા આ લોન મર્યાદા 10 લાખ રૂપિયા સુધીની હતી. આવી સ્થિતિમાં મુદ્રા લોન લેનારા લોકોને આ જાહેરાતનો સીધો ફાયદો મળી શકે છે.વાસ્તવમાં, પ્રધાનમંત્રી મુદ્રા યોજના કેન્દ્ર સરકાર દ્વારા ચલાવવામાં આવે છે અને આ અંતર્ગત લોકોને નવો બિઝનેસ શરૂ કરવા માટે ગેરંટી વિના 10 લાખ રૂપિયા સુધીની લોન આપવામાં આવે છે. જો કે આજે બજેટમાં આ મર્યાદા 10 લાખ રૂપિયાથી વધારીને 20 લાખ રૂપિયા કરવામાં આવી છે. ભારત સરકારે આ યોજના વર્ષ 2015માં શરૂ કરી હતી. આ યોજનાનો સીધો ફાયદો એ લોકોને થાય છે જેઓ સંસાધનોના અભાવે પોતાનો નવો વ્યવસાય શરૂ કરી શકતા નથી. યોજના હેઠળ લાભાર્થીને મુદ્રા કાર્ડ મળે છે. મુદ્રા કાર્ડનો ઉપયોગ ડેબિટ કાર્ડની જેમ જ થાય છે. આ કાર્ડની મદદથી તમે તમારા બિઝનેસ સંબંધિત ખર્ચ માટે પૈસા લઈ શકો છો.
જમીનને લગતી તકરાર નિવારવા શહેરી અને ગ્રામીણ બંને વિસ્તારોમાં જમીન પ્રશાસન, શહેરી નિયોજન અને મકાન સંબંધિત નિયમોમાં ફેરફાર કરાશે. ઉપરાંત ગ્રામીણ વિસ્તારની તમામ જમીનને યુનિક પ્લોટ આઇડેન્ટિફિકેશન નંબર અપાશે તેવી નાણામંત્રીએ જાહેરાત કરી છે.
નાણામંત્રી નિર્મલા સિતારમણ દ્વારા જમીનને લગતા કેટલાક સુધારાની જાહેરાત કરવામાં આવી હતી. તેમણે કહ્યું હતું કે, ’સરકાર આર્થિક નીતિઓનું માળખુ તૈયાર કરશે. જેથી આવનારી પેઢીનો પણ ઝડપી વિકાસ થઈ શકે. આ માટે ઉત્પાદન, જમીન, શ્રમ અને મૂડીના તમામ પરિબળોને આવરી લેવા જરૂરી છે. આ માટે કેન્દ્ર અને રાજ્યો બંનેનો સહયોગ જરૂરી છે.’ગ્રામીણ જમીન સંબંધિત ફેરફારોમાં તમામ જમીન માટે યુનિક આધાર, નકશાનું ડિજિટલાઈઝેશન, જમીનનો સર્વે અને નોંધણી જેવા પગલાં લેવામાં આવશે.
જમીન સુધારાની દિશામાં શહેરી વિસ્તારોમાં જીઆઈએસ મેપિંગ સાથે ડિજિટ લાઈઝેશન કરવામાં આવશે. શહેરી અને ગ્રામીણ બંને વિસ્તારોમાં જમીન પ્રશાસન, શહેરી નિયોજન અને મકાન સંબંધિત નિયમોમાં ફેરફાર કરવામાં આવશે. ગ્રામીણ વિસ્તારની તમામ જમીનને યુનિક પ્લોટ આઇડેન્ટિફિકેશન નંબર અપાશે. ગ્રામીણ વિસ્તારોમાં જમીન નોંધણી કાર્યાલયની સ્થાપન કરવામાં આવશે. સરકાર જમીનની નોંધણીને લગતા વિવાદોના ઉકેલ લાવવા તરફ અગ્રેસર છે. જમીન નોંધણીનું ડિજિટલાઈઝેશન થાય અને પ્લોટ આઇડેન્ટિફિકેશન થાય એ જરૂરીયાતને ઓળખીને એ તરફ પગલાં લેવામાં આવશે.
