વોર્ડ નં.૮માં આવેલ ગુલાબવિહાર સોસાયટીમાં પેવર કામનો પ્રારંભ વોર્ડના કોર્પોરેટર વિજયાબેન વાછાણી અને જાગૃતિબેન ઘાડીયાના હસ્તે અને શહેર ભાજપ મંત્રી રઘુભાઈ ધોળકિયા, વોર્ડ મહામંત્રી કાથડભાઈ ડાંગર, સોસાયટીના પ્રમુખ હરદીપભાઈ બારડ, અલ્કાબેન કામદારની ઉપસ્થિતિમાં કરવામાં આવ્યું હતું. આ પ્રસંગે તેમણે જણાવ્યું કે, ભારતીય જનતા પાર્ટીના સુત્ર જયાં માનવી ત્યાં સુવિધાને ખરા અર્થમાં સાકાર કરતા શહેરના વિવિધ વિસ્તારોમાં વિકાસના કામોને વેગ અપાઈ રહ્યો છે. જે અંતર્ગત વોર્ડ નં.૮માં આવેલ ગુલાબવિહાર સોસાયટીમાં પેવર કામનો શુભારંભ કરવામાં આવેલ. આ પ્રસંગે ભાજપ અગ્રણીઓ કાંતીલાલ ભુત, ચંદુભાઈ કાલરીયા, છગનભાઈ સખીયા, રીટાબેન સખીયા સહિતના અગ્રણીઓ ઉપસ્થિત રહ્યા હતા.
