5000 થી વધુ અનુયાયોએ ગુરુદેવનું ઉમળકાભેર સ્વાગત કર્યુ
વિશ્વ વિખ્યાત આઘ્યાત્મિક ગુરુદેવ શ્રી શ્રી રવિશંકર મહારાજનું રાજકોટમાં છઠ્ઠી વખત પધાર્યા છે. ત્યારે ગઇકાલે શિષ્યગણો દ્વારા તેમનું ઉમળકાભેર સ્વાગત કરવામાં આવ્યું હતું. રાજકોટમાં ગુરૂદેવના આગમનનો આનંદ વ્યકત કરવા માટે શ્રી શ્રી એકેડમી (મુંજકા કેમ્પસ) ના બાળકો દ્વારા વિશેષ રજુઆત કરવામાં આવી હતી.
શ્રી શ્રી એકેડમીના બાળકોએ નૃત્ય, ગરબા, સંગીત, યોગ અને કરાટે રજુ કરીને એરપોર્ટ ખાતે શ્રી શ્રી રવિશંકરજીનું ઉષ્મા ભર્યુ સ્વાગત કર્યુ હતું. આર્ટ ઓફ લીવીંગ સંસ્થાની સ્થાપનાને 40 વર્ષ પૂર્ણ થવાના અવસરે આજે આર્ટ ઓફ લિવીંગ રાજકોટ ચેપ્ટર દ્વારા ગુરુદેવ શ્રી શ્રી રવિશંકરજીના સાનિઘ્યમાં વિજ્ઞાન ભૈરવનું ભવ્યાતિભવ્ય આયોજન કરવામાં આવેલ છે. જેમાં બે સેસનમાં કાર્યક્રમ યોજાઇ રહ્યો છે.
જેમાં ગુરુદેવ ભગવાન શંકરે પાર્વતીજીને શીખવેલા 11ર સૂત્રો દ્વારા મેડિટેશન ટેકનિક આધારીત એમના દ્વારા શીખવવા અને જ્ઞાન વાણીનો લાભ આપી રહ્યા છે ત્યારે ગુરુદેવ શ્રી શ્રી રવિશંકરજીએ વિજ્ઞાન ભૈરવ વિષે જણાવતા શ્વાસ, ચક્ર અને મુદ્રા પર ની ટેક્નિક સમજાવી. તેઓએ ’ચકિત મુદ્રા’ માટે કહ્યું કે ચકિત મુદ્રા કરવા થી આપણી નકારાત્મક ઉર્જા સકારાત્મક ઉર્જામાં પરિવર્તિત થઈ જાય. વધુમાં, સ્થૂલ જગત થી સૂક્ષ્મ જગતમાં જાવું, એજ સાધક ની નિશાની છે. તેઓએ જણાવ્યું કે 109 ચક્ર છે અને તેના પર ધ્યાન દેવા થી મન શાંત અને સ્થિર થઈ વર્તમાન માં આવી જાય.દ્વારકા મંદિર ના પૂજારીએ ગુરુજી નું પ્રેમભર્યું સ્વાગત કર્યું અને ભગવાન શ્રીનાથજી ની છબી આપી હતી.
સૌરાષ્ટભર ના આર્ટ ઓફ લિવિંગ ના મેમ્બરો દ્વારા ગુરુજી નું સ્વાગત કરવામાં આવ્યું હતું અને 5000 થી વધુ ભક્તો અને અનુયાયો ઉપસ્થિત હતા. ગુરુજી ના સાનિધ્યમાં એક ભક્તિમય વાતાવરણ ઉભો થયો હતો જેમાં ગુરુદેવે વિજ્ઞાન ભૈરવ વિષે સમજ આપી અને ધ્યાન દ્વારા એનો અનુભવ કરાવ્યો હતો. વિજ્ઞાન ભૈરવ તંત્ર એ એક પ્રાચીન ભારતીય ગ્રંથ છે જે આવશ્યકપણે વિવિધ તક્નીકોનું વર્ણન કરે છે જે તમને સમય અને અવકાશની બહાર જવા અને ધારણા દ્વારા સમાધિની સ્થિતિ પ્રાપ્ત કરવામાં મદદ કરે છે. વિજ્ઞાનનો સાદો અર્થ એ થાય છે જે વસ્તુઓ કેવી રીતે કાર્ય કરે છે તેના જવાબો આપે છે. વિજ્ઞાન માત્ર તર્ક પર આધારિત નથી, પરંતુ પ્રયોગો અને પ્રયોગમૂલક પુરાવા પર આધારિત છે. ભૈરવ અહીં શાશ્વત સર્વવ્યાપી પરમ ચેતના માટે વપરાય છે જે બ્રહ્માંડની દરેક વસ્તુ બનાવે છે. તે એ છે જે આપણુ સર્જન કરે છે અને છતાં તે આપણી ધારણાની સીમાની બહાર છે.
ભૈરવ એ ચેતના છે જે અજ્ઞાનનો નાશ કરે છે. જ્યારે તમે સાર્વત્રિક ચેતના સાથે એક છો, સંપૂર્ણ શરણાગતિની સ્થિતિમાં, ત્યારે તમે ભૈરવ બનો છો. જાગૃતિની તે ઉચ્ચ અવસ્થામાં, તમે જ્ઞાન માટે અત્યંત ગ્રહણશીલ બનો છો.તંત્ર નો અર્થ થાય છે ટેકનિક. યંત્ર અને મંત્ર પણ શરીરની ચેતનાને પાર કરવામાં અને આપણને પરમ ચેતનાના સંપર્કમાં આવવા માટે લાયક બનાવવામાં મદદરૂપ છે. યંત્રો એ ભૌતિક ઉર્જા આકૃતિઓ છે જે ચેતનાના વિવિધ ગુણોને અનુરૂપ છે અને મંત્ર એ ધ્વનિ સ્પંદનો માટે વપરાય છે જે આપણને સ્વની જગ્યામાં ઉન્નત કરી શકે છે. તંત્ર એ વિશેષ અને ચોક્કસ પરિણામ મેળવવા માટે શારીરિક આકૃતિઓ અથવા મુદ્રાઓને ઘણીવાર અવાજ સાથે જોડવાનું કૌશલ્ય છે.
વિજ્ઞાન ભૈરવ તંત્રમાં આવી 112 અનુભવ-આધારિત ટકનીકોનો સમાવેશ થાય છે જે ગુરુના માર્ગદર્શન અને કૃપા હેઠળ ઊંડા ધ્યાનની સ્થિતિના પ્રવેશદ્વાર તરીકે કામ કરી શકે છે. તમે તેમના વિશે પ્રાચીન ગ્રંથોમાં વાંચી શકો છો પરંતુ આવા ઊંડા અને સૂક્ષ્મ જ્ઞાનને પ્રાપ્ત કરવાની ક્ષમતા સંપૂર્ણ શરણાગતિની સ્થિતિમાં અને ગુરુ અને ગુરુતત્વ પરની શ્રદ્ધા સાથે જ પ્રગટ થાય છે. વિજ્ઞાન ભૈરવનું જ્ઞાન ભગવાન શિવજી દ્વારા તેમની પત્ની પાર્વતીને આપવામાં આવ્યું હોવાનું કહેવાય છે. શિવ તત્વ એ છે જેને આપણે સર્વોચ્ચ ચેતના અથવા ભૈરવ તરીકે વર્ણવીએ છીએ; તે તમારું આંતરિક સત્ય છે, સૌથી શુદ્ધ સ્વ , અને બીજી બાજુ પાર્વતીને શક્તિ , સર્વોચ્ચ સાર્વત્રિક ઉર્જા તરીકે માનવામાં આવે છે જે સર્જનમાં દરેક વસ્તુમા પ્રસરે છે.અહીં, પાર્વતી છે જે શિવને શરણે થઈને જ્ઞાન અને સત્યની શોધ કરી રહી છે; તે આપણું એટલે કે સાઘકોનુ પ્રતિનિધિત્વ કરે છે .
શિવ અને શક્તિ – ચેતના અને ઊર્જા સાથે મળીને બ્રહ્માંડનું સંચાલન કરે છે. પતિ-પત્નીનો સંબંધ આત્મીયતા, વિશ્વાસ, સંપૂર્ણ વિશ્વાસ, પ્રેમ અને શરણાગતિનો છે અને તેમાં શંકાને કોઈ સ્થાન નથી; જ્યારે નિકટતાની ભાવના હોય ત્યારે શંકા અસ્તિત્વમાં નથી. જ્યારે તમે ગુરુની, ચેતનાની નજીક હોવ ત્યારે જ તમે વિજ્ઞાન ભૈરવને આંતરિક બનાવવા માટે સક્ષમ છો. માસ્ટર આપણી ચેતનાને ઉત્થાન આપે છે અને તે તેમની હાજરી છે કે જ્ઞાન સરળતાથી અનુભવમાં અનુવાદિત થાય છે. જ્યારે સાધક ગુરુની હાજરીમાં સમાઈ જાય છે, ત્યારે તે અહંકારને પાર કરી શકે છે અને જાગૃતિની ઉચ્ચ સ્થિતિમાં પ્રવેશ કરી શકે છે.
શ્રી શ્રી રવિશંકર મહારાજે શ્રી શ્રી એકેડમીની લીધી મુલાકાત
આર્ટ ઓફ લિવિંગ ના પ્રણેતા શ્રી શ્રી રવિશંકરજી ના આશીર્વાદથી મળેલ સંસ્થા શ્રી શ્રી એકેડમી (મુંજકા કેમ્પસ) માં તેઓ આજરોજ પધારી ને એકેડેમી ખાતે આવેલ સરસ્વતી મંદિર માં મૂર્તિ-પૂજા કરી અને ધ્વજારોહણ પણ કર્યું. ત્યારબાદ હાજર રહેલા ભક્તો ના વિશાળ સમુદાય ને આશીર્વાદ આપ્યા. શ્રી શ્રી એકેડેમી ના મેનેજીંગ ટ્રસ્ટી ભુપેન્દ્રસિંહ વાઘેલા તથા સમગ્ર વાઘેલા પરિવાર ને સવિશેષ આશીર્વાદ પણ આપ્યા. સમગ્ર સૌરાષ્ટ્ર-કચ્છ તથા ગુજરાત રાજ્ય ના આર્ટ ઓફ લિવિંગ સંસ્થાના ટીચર પરિવાર ને ગુરુદેવ હૃદયથી મળ્યા હતા.
ગુરુદેવ શ્રી શ્રી રવિશંકરજી એ સંસ્થા ની પ્રથમ મુલાકાત દરમ્યાન ખુબજ પ્રભાવિત થયા અને સમગ્ર સ્કૂલ સ્ટાફ તથા સંચાલકો ને આશીર્વાદ આપ્યા. ગુજરાત ની મુલાકાત ની શરૂઆત રાજકોટ શનિવારે તા. 11 ના રોજ થી થશે અને પૂ. ગુરુદેવ સેંકડો લોકોને “વિજ્ઞાન ભૈરવ” ની ધ્યાન ની વિવિધ પદ્ધતિઓ નો અનુંભવ કરાવશે અને એની મહિમા જણાવશે ત્યારે આજ આર્ટ ઓફ લીવીંગ પરિવારના દીપકભાઇ પંજાબી ડો. કિંજલ ભટ્ટ, ભુપેન્દ્રસિંહ વાઘેલાએ શ્રી શ્રી રવિશંકર મહારાજનું સ્વાગત કર્યુ હતું.
