સામગ્રી
એક ચમચો ઝીણી સમારેલી કોથમીર
એક ચમચો ઝીણાં સમારેલાં લાલ મરચાં
બે ચમચા ઝીણું સમારેલું તાજું લીલું લસણ
એક ચમચો લીંબુનો રસ
એક ચમચો દળેલી સાકર
બે ચમચા વિનેગાર
મીઠું સ્વાદ પ્રમાણે
રીત
એક બાઉલમાં કોથમીર, લાલ મરચાં અને લીલું લસણ લઈને બરાબર મિક્સ કરો. એમાં લીંબુનો રસ, સાકર, વિનેગાર અને મીઠું ઉમેરીને એકરસ થાય ત્યાં સુધી હલાવો અને ઍર-ટાઇટ કન્ટેનરમાં ભરીને ફ્રિજમાં રાખી દો. જરૂર પ્રમાણે એ વાપરો. આ સીઝનમાં લીલું લસણ જોઈએ એટલા પ્રમાણમાં બજારમાં મળી રહે છે. જો ન મળે તો એને બદલે એક ચમચો બારીક સમારેલું સૂકું લસણ વાપરવું અને કોથમીરનું પ્રમાણ એકને બદલે બે ચમચા રાખવું.
