SmilePay: જો તમારું બેંક એકાઉન્ટ પણ ફેડરલ બેંકમાં છે. તો આ સિસ્ટમ તમારા માટે ઉપયોગી છે. તેમજ ખાનગી ક્ષેત્રની ફેડરલ બેંકે સ્માઈલ પે નામની પેમેન્ટ સિસ્ટમ શરૂ કરી છે. આ સાથે ગ્રાહકો કેમેરા સામે હસીને જ પૈસા ચૂકવી શકશે. આ ઉપરાંત આ સેવા શરૂ થયા પછી, તમારે પૈસાની લેવડદેવડ માટે રોકડ, કાર્ડ અથવા મોબાઇલની જરૂર પડશે નહીં. રિલાયન્સ રિટેલ અને અન્ય બિરલાની સ્વતંત્ર માઇક્રો ફાઇનાન્સ દ્વારા કેટલીક પસંદગીની શાખાઓમાં તેનો ઉપયોગ શરૂ થયો છે.
પાયલોટ પ્રોજેક્ટ તરીકે શરૂઆત કરી હતી
આ સુવિધા પાયલોટ પ્રોજેક્ટ તરીકે શરૂ કરવામાં આવી છે. તેમજ ‘BHIM આધાર પે’ પર આધારિત આ સિસ્ટમમાં બાયોમેટ્રિક ડેટાનો ઉપયોગ આધાર નંબર સાથે જોડાયેલા ખાતામાંથી પૈસા ઉપાડવા માટે થાય છે. આ સિસ્ટમ વિશે જણાવવામાં આવ્યું છે કે આ માટે UIDAI દ્વારા સંપૂર્ણ રીતે સુરક્ષિત ફેશિયલ રેકગ્નિશન સિસ્ટમનો ઉપયોગ કરવામાં આવશે.
સ્માઈલ પે શું છે?
ફેડરલ બેંક દ્વારા જારી કરવામાં આવેલી પ્રેસ રીલીઝ અનુસાર SmilePay દેશમાં પ્રથમ અનોખા પ્રકારની પેમેન્ટ સિસ્ટમ છે. તે UIDAI ના ‘BHIM આધાર પે’ પર બનેલ અપગ્રેટેડ ફેસ રેકગ્નિશન ટેક્નોલોજીનો ઉપયોગ કરે છે. આ સાથે SmilePay વપરાશકર્તાઓને તેમના ચહેરાને સ્કેન કરીને ચુકવણી કરવા સક્ષમ બનાવે છે. આ સુવિધા શરૂ થયા બાદ ગ્રાહકો કાર્ડ કે મોબાઈલ વગર પણ વેપારીઓને પેમેન્ટ કરી શકશે. તેમજ ટ્રાન્ઝેક્શનની સમગ્ર પ્રક્રિયા 2 પગલામાં પૂર્ણ થશે. આ ઉપરાંત ફેડરલ બેંકના સીડીઓ ઈન્દ્રનીલ પંડિતે કહ્યું કે રોકડ, કાર્ડ અને ક્યૂઆર કોડ દ્વારા પેમેન્ટ કર્યા બાદ હવે હસીને પેમેન્ટ મેળવવું ખૂબ જ રસપ્રદ છે.
SmilePay ની વિશેષતાઓ અને લાભો
SmilePay વડે તમે તમારા વ્યવહારો રોકડ, કાર્ડ અથવા મોબાઇલ વગર પણ પૂર્ણ કરી શકો છો. આ સુવિધા શરૂ થવાથી કાઉન્ટર પરની ભીડથી પણ રાહત મળશે. UIDAI ફેસ રેકગ્નિશન સર્વિસના આધારે સુરક્ષિત અને ભરોસાપાત્ર વ્યવહારો કરી શકાય છે. તેમજ SmilePay સુવિધા ખાસ કરીને ફેડરલ બેંકના ગ્રાહકો માટે ઉપલબ્ધ રહેશે. આ માટે વેપારીઓ અને ગ્રાહકો બંને પાસે બેંક ખાતા હોવા જરૂરી રહેશે. આ સાથે ફેડરલ બેંક પણ આગામી સમયમાં આ યોજનાને વિસ્તારવાની યોજના બનાવી રહી છે.
સ્માઈલ પે દ્વારા પેમેન્ટ કેવી રીતે થશે?
ફેડરલ બેંક સાથે સંકળાયેલા દુકાનદારોની મુલાકાત લેતા ગ્રાહકોએ તેમના મોબાઈલમાં ફેડ મર્ચન્ટ એપ રાખવાની રહેશે. તેમજ જ્યારે તમારે બિલ મેળવવાની જરૂર હોય, ત્યારે ચેકઆઉટ વખતે SmilePay પસંદ કરો.આ સાથે દુકાનદાર ગ્રાહકનો આધાર નંબર દાખલ કરીને ફેડ મર્ચન્ટ એપથી પેમેન્ટ શરૂ કરશે. આ ઉપરાંત દુકાનદારના મોબાઈલનો કેમેરો ગ્રાહકના ચહેરાને સ્કેન કરશે અને UIDAI સિસ્ટમના આધારે ફેસ રેકગ્નિશન ડેટા સાથે મેચ કરશે. તેમજ જો યોગ્ય જણાય તો તરત જ પેમેન્ટ કરવામાં આવશે અને ગ્રાહકના ખાતામાંથી પૈસા કાપી લેવામાં આવશે. આ પૈસા દુકાનદારના ફેડરલ બેંક ખાતામાં જમા કરવામાં આવશે. આ ઉપરાંત એકવાર ચુકવણીની પ્રક્રિયા થઈ જાય, પછી FED વેપારી એપ્લિકેશન તમને જાણ કરશે કે ચુકવણી પૂર્ણ થઈ ગઈ છે.
