- ભેસ્તાન જીઆવ ગામ રોડ પર દારુના અડ્ડા પર દરોડા પાડ્યા
- રૂપિયા ૫ લાખથી વધુનો મુદામાલ કબ્જે કરવામાં આવ્યો
સ્ટેટ મોનિટરીંગ સેલની ટીમ દ્વારા અવાર-નવાર સુરતમાં દારૂ અને જુગારના અડ્ડા પર રેડ પાડવામાં આવે છે,આ રેડ દરમિયાન પોલીસને બાતમી હોય છે અને સ્થાનિક પોલીસ ઉંઘતી ઝડપાય છે. સુરતમાં દારૂના અડ્ડા ધમધમે છે એ સ્ટેટ મોનિટરીંગ સેલને ગાંધીનગરથી ખબર પડે છે. પરંતુ સુરતના સ્થાનિક પોલીસ સ્ટેશનના સ્ટાફને ખબર પડતી નથી,ત્યારે પોલીસ અધિકારીને પણ શરમ આવવી જોઈએ કે બહારની એજન્સી રેડ પાડે છે અને તમારી ટીમ નિષ્કીય રીતે જોઈ રહે છે.
ત્યારે વધુ એક આવી જ ઘટના સામે આવી છે. જેમાં, સુરતના ભેસ્તાનમાં સ્ટેટ મોનીટરીંગ સેલ દ્વારા કાર્યવાહી કરવામાં આવી છે. ભેસ્તાન જીઆવ ગામ રોડ પર ચાલતા દારુના અડ્ડા પર દરોડા પાડ્યા હતા. પોલીસે 648 દારૂની બોટલ, ૮૪ લીટર દેશ દારુ અને રોકડ કબજે કરી છે. ૫ લાખથી વધુનો મુદામાલ કબ્જે કરી એક સગીર સહીત ૧૬ લોકોની ધરપકડ કરી છે, પોલીસે ૩ લોકોને વોન્ટેડ જાહેર કર્યા છે.
SMCએ દરોડા પાડી બિયર બાર ઝડપી પાડયું છે,જેમાં ભેસ્તાનના જિયાવ ગામમાં બાર પકડાયું છે,ભેસ્તાન પોલીસની હદમાં એક સાથે બે રેડ એસએમસીએ કરી છે જેમાં ચખનાના 67 પેકેટ, 190 સોડાની બોટલ જપ્ત કરવામાં આવી છે,SMCએ 15 આરોપીની ધરપકડ કરી છે જેમાં 3 આરોપીઓ ફરાર થઈ ગયા છે,તો ત્રિમૂર્તિ ત્રણ રસ્તા પાસે રેડમાં 6 ઝડપાયા છે,તો SMCની કુલ 2 રેડમાં 21 આરોપીની ધરપકડ કરવામાં આવી છે.કુલ બે રેડમાં 6 ને વોન્ટેડ જાહેર કરવામાં આવ્યા છે.
મળતી માહિતી પ્રમાણે ગાંધીનગર સ્ટેટ મોનિટરિંગ સેલની ટીમ દ્વારા પાંડેસરા વિસ્તારમાં ગુજરાત હાઉસિંગ બોર્ડમાં આવેલા મકાનમાં ચાલતા મહિલા બુટલેગર ગીતા નરકરના અડ્ડા પર બાતમી આધારે રેડ કરી હતી. સ્થાનિક પોલીસ ઊંઘતી રહી અને સ્ટેટ મોનીટરીંગ સેલે રેડ કરતા દારૂના અડ્ડા પર ભાગદોડ મચી ગઈ હતી. અડા પરથી 5726 વિદેશી દારૂની બોટલો મળી આવી હતી. જેની કિંમત 11,00,000 જેટલી થાય છે.
અહેવાલ: ભાવેશ ઉપાધ્યાય
