જામનગર તાલુકાના સિકકા ગામે એક યુવાન પર મહોર્રમમાં મારી સામે કતરાઇને કેમ જોતો હતો તેમ કહી બે મહિલા સહિત પાંચ શખ્સોએ માર માર્યો હોવાનો બનાવ પોલીસ ચોપડે નોંધાયો છે.
પોલીસ સૂત્રોએ જાહેર કરેલી વિગતો મુજબ ગત તા. 15.8 ના રોજ સાંજના અરસામાં સિકકા ધુળીયા ફાટક નજીક હુશેનભાઇ મામદભાઇ સમા હુશેન બેબીના ઘરની સામે ઉભા હતા ત્યારે કાસીમ જુસબભાઇ ગંઢાર નામના શખ્સે તેને બોલાવી કહેલ કે તું મહોર્રમમાં કેમ તું કતરાઇને જોતો હતો ત્યારબાદ અપશબ્દો બોલી કાસીમના પત્ની યાસ્મીને ઝાપટ મારી અને અફજલ હશનભાઇ રાજાણી લોખંડના પાઇપથી તેમજ હશનભાઇ રાજાણી અને કરીમાબેન હશનભાઇ સહિતનાઓ માર માર્યો હોવાની ફરિયાદ સિકકા પોલીસ મથકે નોંધાવતા સિકકા પોલીસે વધુ તપાસ હાથ ધરી છે.w
