દિવસો સુધી રાહ જોવડાવ્યા બાદ ગુજરાત પર મેઘરાજા સાંબેલાધાર વરસી રહ્યાં હોય તેમ વરસાદ પડી રહ્યો છે. દક્ષિણ ગુજરાત, મધ્ય ગુજરાત અને સૌરાષ્ટ્રને મેઘરાજાએ તરબોળ કરી દીધા છે. રાજકોટ સહિત સમગ્ર સૌરાષ્ટ્રમાં છેલ્લા બે દિવસથી ધોધમાર વરસાદ વરસ્તા લોકોએ રાહતનો શ્ર્વાસ લીધો છે. છેલ્લા 24 કલાકમાં રાજ્યના 258 તાલુકામાં મેઘરાજા સાંબેલાધાર વરસ્યા છે ત્યારે રાજકોટમાં 4 ઈંચ સહિત ગિરનારમાં 10 ઈંચ, મોટી મારડમાં 9 ઈંચ અને જામજોધપુરના નરમાળા ગામે 10 ઈંચ જેટલો વરસાદ ખાબક્યો હતો. ભારે વરસાદના કારણે નદી-નાળા પણ છલકાઈ ગયા હતા.
સૌરાષ્ટ્રમાં સાર્વત્રિક 1 થી 10 ઇંચ વરસાદ
સમગ્ર રાજ્યમાં સાર્વત્રીક વરસાદ પડી રહ્યો છે ત્યારે હવામાન વિભાગે આગામી 4 દિવસ દરમિયાન રાજ્યમાં વરસાદી માહોલ રહેવાની વકી વ્યકત કરી છે. ઉપરાંત કેટલાંક ભાગોમાં ભારેથી અતિ ભારે વરસાદની શકયતા વ્યકત કરી છે. આગામી દિવસો દરમિયાન બનાસકાંઠા, સાબરકાંઠા, અરવલ્લી, દાહોદ, મહીસાગરમાં અતિ ભારે વરસાદની આગાહી કરવામાં આવી છે. જ્યારે આણંદ, ભરૂચ, નવસારી, વલસાડ, દમણ, દાદરા નગર હવેલી, રાજકોટ, જામનગર, મોરબી, દ્વારકા, કચ્છમાં ભારે વરસાદ નોંધાઈ શકે છે.
સૌરાષ્ટ્રમાં મેઘરાજાએ છેલ્લા 2 દિવસથી ધમાકેદાર એન્ટ્રી કરી છે. જૂનાગઢ, રાજકોટ, પોરબંદર, સોમનાથ અને જામનગર જિલ્લામાં અડધાથી લઈ 10 ઈંચ સુધી વરસાદ પડતા શહેરો અને ગામડાઓ તરબોળ બન્યા છે. રાજકોટના મોટી મારડમાં 9, જામજોધપુરના નરમાળામાં 10, કાલાવડમાં 6, માણાવદરના જિંજરી, ચુડવા, સરદારગઢ, સણોસરામાં 7 ઈંચ વરસાદથી નદી-નાળા છલકાઈ ગયા હતા. ભારે વરસાદના કારણે રાજકોટ જિલ્લાના 3 અને જૂનાગઢ જિલ્લાનો એક રસ્તો વાહન-વ્યવહાર માટે બંધ કરવામાં આવ્યો હતો. જ્યારે ચાર મોટા ડેમ છલકાતા નિચાણવાળા ગામડાને ચેતવણી આપવામાં આવી હતી. ઉનામાં ભારે વરસાદથી નદીમાં પિતા તણાઈ જતાં બે પુત્રો તેના બચાવ માટે જતાં ત્રણેયના કરૂણ મોત નિપજયા હતા.
વાડી, ખેતરોમાં લહેરાશે મોલાત: મારડમાં અનરાધાર 9 ઇંચ વરસાદ
રાજકોટ જિલ્લાને બે દિવસથી મેઘરાજા સટાસટી બોલાવી રહ્યાં છે ત્યારે રાજકોટ જિલ્લામાં બે દિવસ ભારે વરસાદથી ગોઠણડુબ પાણી ભરાયા હતા અને નિચાણવાળા વિસ્તારમાં તો ઘરોમાં પાણી ઘુસ્યા હતા. અનેક જગ્યાએ વૃક્ષો પણ ધરાશાયી થયા હતા. રાજકોટ તાલુકાના રાજગઢમાં કાર પાણીમાં તણાઈ હતી જ્યારે શહેરના મનહરપર વિસ્તારમાં નાલુ તૂટતા રીક્ષા પાણીમાં ફસાઈ હતી. રાજકોટ જિલ્લાની વાત કરીએ તો સૌથી વધુ વરસાદ લોધીકામાં 4 કલાકમાં 8 ઈંચ વરસાદ પડતા સમગ્ર પંથકમાં જળબંબાકાર થઈ ગયો હતો. સ્થાનિક નદી નાળામાં ઘોડાપુર આવ્યું હતું અને અનેક ગામો બેટમાં ફેરવાઈ ગયા હતા.
સૌરાષ્ટ્રના મોટાભાગના ડેમો ઓવરફલો: ર00થી વધુ વીજ થાંભલા ધરાશાયી થતા 40થી વધુ ગામોમાં અંધારપટ
આ ઉપરાંત ધોરાજી અને કોટડા સાંગાણી પંથકમાં 3 થી 4 ઈંચ વરસાદ ખાબક્યો હતો. ભારે વરસાદથી ઠેર-ઠેર પાણી ભરાયા હતા. ઉપલેટા સહિત ગ્રામ્ય વિસ્તારમાં અઢી ઈંચ વરસાદ પડ્યો હતો. જેને લઈ શહેર આખુ પાણી-પાણી થઈ ગયું હતું. છેલ્લા કેટલાંય દિવસથી લોકો વરસાદની રાહ જોઈ બેઠા હતા. મેઘરાજા સમગ્ર સૌરાષ્ટ્ર પર મહેરબાન થયા હોય તેમ બે દિવસથી વરસાદ તૂટી પડ્યો છે.
રાજકોટના લોધીકામાં સૌથી વધુ 8 ઈંચ વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| ધોરાજી | 93 મીમી | 357 મીમી |
| ગોંડલ | 46 મીમી | 347 મીમી |
| જામકંડોરણા | 39 મીમી | 129 મીમી |
| જસદણ | 14 મીમી | 174 મીમી |
| જેતપુર | 12 મીમી | 174 મીમી |
| કોટડા સાંગાણી | 95 મીમી | 269 મીમી |
| લોધીકા | 198 મીમી | 422 મીમી |
| પડધરી | 22 મીમી | 91 મીમી |
| રાજકોટ | 108 મીમી | 419 મીમી |
| ઉપલેટા | 72 મીમી | 177 મીમી |
| વિંછીંયા | 22 મીમી | 64 મીમી |
ભાવનગરના પાલીતાણામાં 1.5 ઈંચ વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| ભાવનગર | 10 મીમી | 262 મીમી |
| ગારીયાધાર | 9 મીમી | 245 મીમી |
| ઘોઘા | 10 મીમી | 196 મીમી |
| જેસર | 1 મીમી | 122 મીમી |
| મહુવા | 0 મીમી | 221 મીમી |
| પાલીતાણા | 31 મીમી | 258 મીમી |
| શિહોર | 6 મીમી | 126 મીમી |
| તળાજા | 2 મીમી | 124 મીમી |
| ઉમરાળા | 21 મીમી | 213 મીમી |
| વલ્લભીપુર | 23 મીમી | 207 મીમી |
બોટાદ જિલ્લામાં 6 ઈંચ વરસાદ ખાબક્યો
| તાલુકો | 24 કલાકનો વરસાદ | સીઝનનો કુલ વરસાદ |
| બોટાદ | 146 મીમી | 290 મીમી |
| બારવાલા | 64 મીમી | 311 મીમી |
| ગઢડા | 123 મીમી | 262 મીમી |
| રાણપુર | 72 મીમી | 171 મીમી |
સૌરાષ્ટ્રના અમરેલીમાં સૌથી ઓછો વરસાદ નોંધાયો
| તાલુકો | 24 કલાકનો વરસાદ | સીઝનનો કુલ વરસાદ |
| અમરેલી | 7 મીમી | 267 મીમી |
| બાબરા | 12 મીમી | 315 મીમી |
| બગસરા | 19 મીમી | 139 મીમી |
| ધારી | 20 મીમી | 171 મીમી |
| જાફરાબાદ | 8 મીમી | 146 મીમી |
| ખાંભા | 7 મીમી | 208 મીમી |
| લાઠી | 9 મીમી | 189 મીમી |
| રાજુલા | 9 મીમી | 182 મીમી |
| સાવરકુંડલા | 14 મીમી | 296 મીમી |
| વડીયા | 11 મીમી | 143 મીમી |
પોરબંદર : કુતિયાણામાં સૌથી વધુ 3 ઈંચ વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| કુતિયાણા | 128 મીમી | 292 મીમી |
| પોરબંદર | 28 મીમી | 215 મીમી |
| રાણાવાવ | 65 મીમી | 192 મીમી |
જામનગરના કાલાવડમાં 7 ઈંચ વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| ધ્રોલ | 35 મીમી | 221 મીમી |
| જામજોધપુર | 37 મીમી | 254 મીમી |
| જામનગર | 25 મીમી | 135 મીમી |
| જોડીયા | 34 મીમી | 189 મીમી |
| કાલાવડ | 147 મીમી | 363 મીમી |
| લાલપુર | 10 મીમી | 91 મીમી |
ગિર સોમનાથ: સુત્રાપાડામાં સૌથી વધુ 4 ઈંચ વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| ગિર ગઢડા | 20 મીમી | 122 મીમી |
| કોડીનાર | 67 મીમી | 240 મીમી |
| સુત્રાપાડા | 102 મીમી | 362 મીમી |
| તાલાલા | 54 મીમી | 249 મીમી |
| ઉના | 12 મીમી | 115 મીમી |
| વેરાવળ | 43 મીમી | 457 મીમી |
સુરેન્દ્રનગરના ચોટીલામાં 3 ઈંચ વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| ચોટીલા | 62 મીમી | 184 મીમી |
| ચુડા | 34 મીમી | 239 મીમી |
| દસાડા | 29 મીમી | 92 મીમી |
| ધ્રાંગધ્રા | 28 મીમી | 89 મીમી |
| લખતર | 3 મીમી | 144 મીમી |
| લીંબડી | 6 મીમી | 104 મીમી |
| મુળી | 0 મીમી | 131 મીમી |
| સાયલા | 11 મીમી | 162 મીમી |
| થાનગઢ | 29 મીમી | 193 મીમી |
| વઢવાણ | 3 મીમી | 108 મીમી |
મોરબીમાં 24 કલાકમાં 3 ઈંચ વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| હળવદ | 3 મીમી | 84 મીમી |
| માળિયા મિંયાણા | 12 મીમી | 120 મીમી |
| મોરબી | 76 મીમી | 193 મીમી |
| ટંકારા | 71 મીમી | 252 મીમી |
| વાકાનેર | 46 મીમી | 295 મીમી |
જૂનાગઢ : માણાવદરમાંં સૌથી વધુ 5.5 ઈંચ વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| ભેંસાણ | 41 મીમી | 155 મીમી |
| જૂનાગઢ | 113 મીમી | 285 મીમી |
| કેશોદ | 71 મીમી | 289 મીમી |
| માળીયા | 44 મીમી | 307 મીમી |
| માણાવદર | 134 મીમી | 374 મીમી |
| માંગરોળ | 46 મીમી | 376 મીમી |
| મેંદરડા | 63 મીમી | 332 મીમી |
| વંથલી | 117 મીમી | 299 મીમી |
| વિસાવદર | 73 મીમી | 232 મીમી |
દેવભુમિ દ્વારકામાં છુટોછવાયો વરસાદ
| તાલુકો | 24 કલાકનો વરસાદ | સીઝનનો કુલ વરસાદ |
| ભાણવડ | 17મીમી | 229 મીમી |
| દ્વારકા | 4મીમી | 154 મીમી |
| કલ્યાણપુર | 5 મીમી | 367 મીમી |
| ખંભાળીયા | 0 | 335 મીમી |
