- વડાલીના વેડા ગામે દર્દનાક બનાવ આવ્યો સામે
- પાર્સલ ખોલતાની સાથે જ ધડાકા ભેર બ્લાસ્ટ
સાબરકાંઠા ન્યૂઝ : વડાલી તાલુકાના વેડા ગામે વણઝારા વાસમાં રહેતા પરિવારના ઘરે એક પાર્સલ આવ્યું હતું જે પાર્સલમાં ઇલેક્ટ્રોનિક ગેજેટ હતું . આ પાર્સલ ખોલતાની સાથે જ ધડાકા ભેર બ્લાસ્ટ થવા પામ્યો હતો . આ બ્લાસ્ટમાં એક વ્યક્તિનું ઘટના સ્તરે મોત થવા પામ્યું હતું તો અન્ય ચાર વ્યક્તિઓ ઇજાગ્રસ્ત થયા હતા .જેમણે વડાલી સીએચસી ખસેડવામાં આવ્યા હતા અને ત્યાંથી વધુ સારવાર અર્થે હિંમતનગર સિવિલ હોસ્પિટલમાં ખસેડવામાં આવ્યા હતા. વડાલી સીએચસી ખાતેથી હિંમતનગર સિવિલ હોસ્પિટલ રીફર કરવામાં આવી રહ્યા હતા તે દરમિયાન વધુ એક દીકરી મોતને ભેટી હતી જોકે અન્ય બે દીકરીઓને હાલ સારવાર આપવામાં આવી રહી છે.
જોકે બંને ઇજાગ્રસ્તને શરીરમાં બાહ્ય કણો બ્લાસ્ટના કારણે ઘૂસ્યા છે સાથે જ આંખો વધુ ઇજાગ્રસ્ત થઈ હોવાને કારણે વધુ સારવાર આપવી જરૂરી બને એમ હોય બંને ઇજાગ્રસ્તને વધુ સારવાર માટે અમદાવાદ ખાતે રીફર કરવા પડે એમ હોય બંને ને અમદાવાદ ખાતે રોફર કરવામાં આવ્યા છે એટલું જ નહીં પરંતુ છાતીના ભાગે એક્સરે કરતા છાતીના ભાગમાં પણ બાહ્ય કણો જોવા મળ્યા હતા.
જોકે આ સમગ્ર બનાવવાની જાણ વડાલી પોલીસને થતા વડાલી પોલીસ અને ઈડર વિભાગ ડીવાયએસપી તાત્કાલિક ઘટના સ્થળે પહોંચી તપાસ હાથ ધરી હતી તો એફએસએલ, બી ડી એસ, એટીએસ સહિતની ટીમો પણ પહોચી ગઈ હતી . તપાસ કરતા જીલેટિન સ્ટારનો ઉપયોગ થયુ હોય તેવુ સામે આવતા રીક્ષા ચાલક અને સ્કુટર ચાલકની શોધ કરવા વિવિધ ટીમો બનાવી હતી . વડાલી પોલીસ સ્ટેશનના કેમેરામાં એક્ટીવા ચાલક રીક્ષા ચાલકને પાર્સલ આપતો નજરે આવ્યો હતો તો એક્ટીવા ચાલક ને ટ્રેસ કરતા જયંતી વણઝારા મળી આવ્યો હતો.
આરોપીની પુછપરછ કરતા સમગ્ર મામલો બહાર આવ્યો કે મરનાર ને આરોપીની પત્ની એક બીજા પરિચયમાં હતા અને એક જ ગામના હતા અને એ આરોપીને પસંદ ન હતુ . જેથી મારવા માટે જીલેટિન સ્ટીક અને ડીટોનેટરનો ઉપયોગ કરી ટેપ જેવુ ઈલેક્ટ્રોનિક ડીવાઈઝ બનાવ્યુ અને એક વાયર બહાર નિકાળ્યુ હતુ. જે વાયર પ્લગ માં નાખતા પ્રચંડ ઘડાકો થયો હતો જેમાં એકનુ ઘટના સ્થળે જ મોત નિપજ્યુ હતુ અન્ય ચાર ઘાયલ થયા હતા જેમાં સારવાર દરમિયાન બાળકીનુ પણ મોત નિપજ્યુ હતુ તો અન્ય ત્રણ લોકોની સારવાર ચાલી રહી છે..
આ બ્લાસ્ટની જાણ થતા ડીજીપી અને ગ્રુહ વિભાગે બનાવને ગંભીરતા થી લઈ ક્રાઈમબ્રાન્ટ એટીએસ, બીડીએસ, એફએસએલ, તમામ અધિકારીઓ જોડાયા હતા અને ગણતરીના કલાકોમાં ભેદ ઉકેલી નાખ્યો છે.પ્રેમિકાના પતિએ જ આ બ્લાસ્ટ કરાવ્યો હોવાનુ ખુલતા જ આરોપીની ધરપકડ પણ કરી છે.
સંજય દિક્ષિત
