ગોંડલ નગરપાલિકા પાલીકાની ચૂંટણીમાં ભાજપ દ્વારા ક્લીન સ્વીપ કરી તમામ 44 બેઠકો કબ્જે કરાયાં બાદ આજે યોજાયેલ પ્રમુખ,ઉપ પ્રમુખની ચૂંટણીમાં શિતલબેન કોટડીયા પ્રમુખ તરીકે અને સંજીવ ધિણોજા ઉપ પ્રમુખ તરીકે સર્વાનુમતે ચૂંટાયા છે. વિપક્ષ વિહોણી નગરપાલિકામાં હોદ્દેદારો બીનહરીફ જાહેર થયાં છે.
કારોબારી અધ્યક્ષ તરીકે ભરતસિંહ (રુષીભાઇ)જાડેજા,શાશક પક્ષનાં નેતા તરીકે કૌશિકભાઈ પડારીયા તથાં દંડક તરીકે રાજેન્દ્રસિંહ જાડેજાની વરણી કરાઇ હતી. ચૂંટણી પુર્વે ભાજપ મોવડી જયરાજસિંહ જાડેજાએ નવા સુકાનીઓનાં નામ જાહેર કર્યા છે. આ તકે જિલ્લા ભાજપ મહામંત્રી મનસુખ માંડવીયા,ઉપ પ્રમુખ રીનાબેન ભોજાણી,શહેર ભાજપ પ્રમુખ ચંદુભાઇ દુધાત્રા,મહા મંત્રી પીન્ટુભાઇ ચુડાસમા,મોહનસિંહ જાડેજા સહીત હાજર રહ્યા હતાં.
