દુબઈની પ્રિન્સેસ શેખા મહારા બિન્ત મોહમ્મદ બિન રશીદ અલ મકતુમે તેના પતિ શેખ મના બિન મોહમ્મદ બિન રશીદ બિન માના અલ મકતુમથી ઇન્સ્ટાગ્રામ પર એક પોસ્ટ દ્વારા અલગ થવાની જાહેરાત કરી છે. આ કપલે ગયા વર્ષે મે મહિનામાં લગ્ન કર્યા હતા અને 12 મહિના પછી તેમની પુત્રીનો જન્મ થયો હતો.
દુબઈમાં છૂટાછેડાનો એક ચોંકાવનારો કિસ્સો સામે આવ્યો છે. દુબઈની રાજકુમારી શેખા મહરા બિન્ત મોહમ્મદ બિન રાશિદ અલ મક્તૂમે ઈન્સ્ટાગ્રામ પર એક પોસ્ટ દ્વારા તેના પતિ શેખ મના બિન મોહમ્મદ બિન રશીદ બિન મના અલ મક્તૂમથી અલગ થવાની જાહેરાત કરી છે. પોતાની પોસ્ટમાં તેણે મુસ્લિમ પરંપરા મુજબ તલાક લીધા છે અને પતિને ટ્રિપલ તલાક આપ્યા છે.
ઇન્સ્ટાગ્રામ પર આપ્યો તલાક
દુબઈની રાજકુમારીએ તેની પોસ્ટમાં કહ્યું કે પ્રિય પતિ, તમે અન્ય પાર્ટનર સાથે વ્યસ્ત છો, જેના કારણે હું તમારી પાસેથી તલાકની જાહેરાત કરું છું. હું તને તલાક આપું છું, તને તલાક આપું છું અને તને તલાક આપું છું. તમારી પૂર્વ પત્નીની સંભાળ રાખો. જણાવી દઈએ કે શેખા મહેરાની આ જાહેરાત કપલના પહેલા બાળકના જન્મના બે મહિના બાદ આવી છે.
પતિને કર્યો અનફોલો
પતિને તલાક આપવાની સાથે દુબઈની રાજકુમારીએ પણ તેને સોશિયલ મીડિયા પર અનફોલો કરી દીધો છે. તેણે પોતાના ઈન્સ્ટાગ્રામ પરથી નિકાહ દરમિયાન લીધેલી તસવીરો પણ હટાવી દીધી છે.
View this post on Instagram
મહેરા દુબઈના વડાપ્રધાનની પુત્રી છે
તે જાણીતું છે કે શેખા માહરા દુબઈના વડા પ્રધાન અને શાસક મોહમ્મદ બિન રશીદ અલ મકતુમની પુત્રી છે, તે યુએઈમાં મહિલા સશક્તિકરણના સમર્થકોમાંની એક છે. મહારાએ યુકેની યુનિવર્સિટીમાંથી આંતરરાષ્ટ્રીય સંબંધોમાં ડિગ્રી મેળવી છે. આ કપલે ગયા વર્ષે મે મહિનામાં લગ્ન કર્યા હતા અને 12 મહિના પછી તેમની પુત્રીનો જન્મ થયો હતો.
