માંગરોળ રોડ પર બે બાઈક વચ્ચે ગંભીર અકસ્માત થયો હતો. આ દરમિયાન અકસ્માતમાં બાઈક ચાલકનું મોત થયુંહતું. આ ઉપરાંત 5 વ્યક્તિઓ ઇજાગ્રસ્ત બનતાં 108 મારફત સરકારી હોસ્પિટલે ખસેડાયાં હતા. આ સાથે પોલીસ સમગ્ર ઘટના અંગે તપાસ હાથ ધરી હતી.
મળતી માહિતી અનુસાર કેશોદના માંગરોળ રોડ પર ડોકા મરડી અને બાલાગામ પાટિયા વચ્ચે બે બાઈક વચ્ચે ગંભીર અકસ્માત થયો હતો. આ અકસ્માતમાં બાઈક પર સિંગલ સવારી કરતાં પરિણીત યુવકનું મોત થયું હતું. આ દરમિયાન બંને બાઈક પર સવાર તમામ 5 વ્યક્તિઓ ઇજાગ્રસ્ત બનતાં 108 મારફત સરકારી હોસ્પિટલે ખસેડાયાં હતા. ત્યારે એક બાઈક પર સિંગલ સવારી કરતાં ભાટ સિમરોલીના રોહિત વાઢેર નામના યુવકનું મોત નિપજ્યું હતું. જયારે સામે આવતી બાઈક સવાર પતિ પત્ની અને 2 બાળકો તમામ ગંભીર રીતે ઘવાતાં કેશોદ બાદ જુનાગઢ વધુ સારવાર માટે ખસેડાયાં હતા. આ દરમિયાન પોલીસે અકસ્માતની ઘટનામાં મોત નિપજનારના યુવકના મૃતદેહનું પંચનામું અને પોસ્ટમોર્ટસ સહિતની કાર્યવાહી હાથ ધરી હતી. આ દરમિયાન યુવકના મોતના પગલે તેમની પત્ની અને બે બાળકો નોંધારા બન્યાં, અનેપરિવારમાં શોક છવાયો હતો. આ બાબતની પોલીસને જાણ થતાં પોલીસે સમગ્ર ઘટના અંગે તપાસ હાથ ધરી છે.
જય વિરાણી
