વડા પ્રધાન નરેન્દ્ર મોદીની આત્મનિર્ભર ભારત યોજના આર્થિક મોરચે સફળ જણાય છે. ચાલુ નાણાકીય વર્ષના પ્રથમ પાંચ મહિનામાં ચીન સાથે ભારતની વેપાર ખાધ પાછલા નાણાકીય વર્ષના પ્રથમ પાંચ મહિનાની તુલનામાં અડધી થઈ ગઈ છે. ચીનથી ભારતની નિકાસમાં વધારો અને ચીનની ચીજોની આયાતમાં મોટો ઘટાડો એ ચીન સાથેની વેપાર ખાધ અડધી થવા પાછળના મુખ્ય કારણો છે. ભારતીય બજારમાં ચીની ચીજોનો ડમ્પિંગ અટકાવવા સરકારે મોટા પગલા લીધા હતા, જેણે આ નાણાકીય વર્ષના પ્રથમ પાંચ મહિનામાં તેની અસર દર્શાવી છે.
દેશમાં ચીન વિરોધી માહોલના કારણે સરકારે ચીનથી આવતી આયાત પર અનેક પ્રકારના અંકુશ લગાવ્યા છે. ત્યાંના અનેક પ્રકારના માલની ભારતમાં ડંપિંગને રોકવા માટે એન્ટી ડંપિંગ ફી લગાવવામાં આવી છે. બિઝનેસ સ્ટાન્ડર્ડના એક રિપોર્ટ પ્રમાણે, એપ્રિલથી ઑગષ્ટ 2020ની વચ્ચે ભારત અને ચીનની વચ્ચે થનારું વેપાર નુકસાન ફક્ત 12.6 અબજ ડૉલર ( લગભગ 93 હજાર કરોડ રૂપિયા)નું થઈ ગયું છે. નાણાકીય વર્ષ 2019-20ના આ સમયગાળામાં આ નુકસાન 22.6 અબજ ડૉલર હતુ. આ પહેલા પણ એટલે કે નાણાકીય વર્ષ 2018-19માં ભારતનું ચીનની સાથે વેપાર નુકસાન 23.5 અબજ ડૉલર હતુ.
એપ્રિલથી ઑગષ્ટની વચ્ચે ભારતને ચીનને થનારી નિકાસમાં 27 ટકાનો જબરદસ્ત વધારો જોવા મળ્યો છે. ગત વર્ષે આ જ સમયગાળામાં ચીનને નિકાસ ફક્ત 9.5 ટકા વધી હતી. જૂન મહિનામાં તો ચીનને થનારી નિકાસમાં 78 ટકાનો વધારો થયો. આ જ રીતે મેમાં 48 ટકા અને જુલાઈમાં 23 ટકા વધારો થયો છે.
