કોરોના મહામારીના કારણે ગત વર્ષના માર્ચ માસથી શાળાઓ બંધ હતી તેવા વાતાવરણે આ વીકથી ધો.૯ થી ૧૦, ધો.૧૦-૧૨ની શાળાઓના વર્ગો સાથે ધો.૬ થી ૮ના વર્ગો પણ શરૂ કરવામાં આવ્યા છે ત્યારે શહેરમાં ફરી છાત્રોના અવાજોથી શાળા સંકુલો ગુંજી ઉઠ્યા છે. કોરોનાને કારણે ધોરણવાઈઝ કોર્ષમાં ઘટાડો કરીને પણ છાત્રોનું મુલ્યાંકન-કસોટી અવશ્ય લેવાનું શિક્ષણ તંત્રે ભારપૂર્વક જણાવેલ છે. હાલ શાળા મંદિરોમાં મોટા ધોરણના છાત્રો લાંબી રજાઓ બાદ ફરી શૈક્ષણિક વાતાવરણમાં ધીમે ધીમે જોડાય રહ્યાં છે. ‘અબતક’ના કેમેરામાં ધો.૯ના છાત્રો સંપૂર્ણ કોરોના ગાઈડલાઈન પાળીને માસ્ક પહેરીને પણ વિષયોનું જ્ઞાન મેળવતા જોવા મળી રહ્યાં છે. (તસવીર: શૈલેષ વાડોલીયા)
