સિન્ડિકેટ સાયબર કૌભાંડીઓ તેમની ગુનાખોરીની આવક સાચવવા માટે બેંક ખાતા ભાડે આપીને એકાઉન્ટ્સ ફોર હાયર રેકેટ ચલાવતા હોય તેવો અહેવાલ સામે આવ્યો છે. જેના માટે ખાતા ભાડે આપવાનું કૌભાંડ ચલાવવામાં આવતું હોય તેવું સામે આવ્યું છે. ઓનલાઇન ઠગ દરેક ટ્રાનઝેક્શન માટે મૂળ રકમનાં 10% આપતાં હોય તેવું સામે આવ્યું છે. દિલ્હી પોલીસે તાજેતરમાં સિન્ડિકેટનો પર્દાફાશ કર્યો હતો અને બે શકમંદોની ધરપકડ કરી હતી અને અન્યની શોધખોળ ચાલુ છે.
ઉચાપત કરાયેલી રકમ ટ્રાન્સફર કરવા પેટે 10% કમિશન ચૂકવાયાનો ખુલાસો
કોઈપણ સંભવિત ટ્રેસને અસ્પષ્ટ કરવા માટે સ્કેમર્સ શરૂઆતમાં બેંક એકાઉન્ટ્સના જટિલ નેટવર્ક દ્વારા પૈસા કાઢતા પૂર્વે ઑનલાઇન વોલેટ દ્વારા નાણાં જમ્પ કરાવતા હતા તેવું એક તપાસમાં બહાર આવ્યું છે. સાયબર ગુનેગારો દ્વારા સામાન્ય રીતે ઉપયોગમાં લેવાતી મોડસ ઓપરેન્ડી તેમાં બનાવટી દસ્તાવેજો અથવા અસંબંધિત લોકોના નામો પર ખોલવામાં આવેલા બેંક ખાતાઓનો દુરુપયોગ સામેલ હોય છે.
ઓનલાઈન છેતરપિંડી કરનારાઓએ ખાતા ભાડે રાખતા હોય તેવું સામે આવ્યુ છે. ધરપકડ કરાયેલા બે શકમંદોમાં મુકુલ શર્મા બીકોમ ગ્રેજ્યુએટ છે અને લલિત કુમાર બીટેક ગ્રેજ્યુએટ છે. બંને યુપીના બુલંદશહરના રહેવાસી છે. ડીસીપી સૈને જણાવ્યું હતું કે લગભગ 42,000 રૂપિયાની છેતરપિંડી કરનાર મહિલાની ફરિયાદ પર એફઆઈઆર નોંધ્યા બાદ તપાસ શરૂ કરવામાં આવી હતી.
આ ઘટના 20 માર્ચે બની હતી જ્યારે મહિલાને તેના મોબાઇલ ફોન પર તેના બે બેંક ખાતામાંથી અનધિકૃત કપાત અંગેના બે સંદેશા મળ્યા હતા. પીડિતાના નિવેદનના આધારે સાયબર પોલીસ સ્ટેશનમાં કેસ નોંધવામાં આવ્યો હતો અને તપાસ હાથ ધરવામાં આવી હતી. તપાસ દરમિયાન ટેકનિકલ સર્વેલન્સ ગોઠવવામાં આવ્યું હતું અને બેંક ખાતામાંથી નાણાંની તપાસ કરવામાં આવી હતી.
તપાસમાં સામે આવ્યું હતું કે, ઉચાપત કરાયેલ નાણાં એક ’ખાતા બુક એપ’ માં જમા કરવામાં આવ્યા હતા જ્યાંથી તે બુલંદશહેરમાં એક બેંક ખાતામાં ટ્રાન્સફર કરવામાં આવ્યું હતું. જ્યારે શંકાસ્પદ ખાતાની વિગતોનું પૃથ્થકરણ કરવામાં આવ્યું, ત્યારે ટુકડીઓએ ટૂંકા સમયની અંદર બહુવિધ શંકાસ્પદ વ્યવહારો ઓળખી કાઢ્યા હતા.
ત્યારબાદ એકાઉન્ટ હેન્ડલરનું લોકેશન ટ્રેસ કરવામાં આવ્યું હતું અને ઇન્ટરસ્ટેટ દરોડા બાદ 5 જાન્યુઆરીએ શર્માની ધરપકડ કરવામાં આવી હતી. તે પોલીસને તેના સહયોગી કુમાર તરફ લઈ ગયો.
પૂછપરછ દરમિયાન શર્માએ ખુલાસો કર્યો કે નોકરીની શોધમાં તે તેના ગામના સાથી રહેવાસી કુમારના સંપર્કમાં આવ્યો હતો. કુમાર બિહાર સ્થિત ઓનલાઈન છેતરપિંડી કરનારાઓ સાથે જોડાયેલો હતો જેમણે 10% કમિશન પર તેમના ગેરકાયદેસર મેળવેલા લાભને લોન્ડરિંગ કરવા માટે બેંક ખાતાઓ ભાડે આપવાનો પ્રયાસ કર્યો હતો.
તેમની નાણાકીય જરૂરિયાતોને પહોંચી વળવા આતુર શર્માએ ખાતું ખોલ્યું અને વિગતો કુમાર સાથે શેર કરી. શર્માના ખાતામાં ટૂંકા ગાળામાં રૂ. 50 લાખથી વધુ જમા થયા જેનાથી તેને 5% કમિશન મળ્યું જ્યારે લલિતે બાકીના 5% નાણાં રાખ્યા હતા. વધુ તપાસ પર, લલિતે વધારાના બેંક ખાતાઓની વિગતો આપી અને બિહારથી કાર્યરત વિવિધ સાયબર છેતરપિંડી કરનારાઓ સાથેના તેના જોડાણો જાહેર કર્યા.
તેણે 10% કમિશન મેળવીને આ બેંક ખાતાઓમાં છેતરપિંડી કરાયેલા નાણાં ટ્રાન્સફર કરવાની સુવિધા આપી હતી તેવું પૂછપરછમાં સામે આવ્યું છે.
