સૌરાષ્ટ્ર એ.પી.એમ.સી વેપારી એસોસિએશને 1 સપ્ટેમ્બરથી ખેડૂતોને રોકડને બદલે માત્ર ચેકથી જ ચૂકવણી કરવાનો નિર્ણય લીધો છે. રોકડ વ્યવહાર ઘટાડવાની દિશામાં આ પગલું છે પણ તેના માટે કોઇ નીતિ નિયમો કે જવાબદારી ન ઘડવામા આવતા ખેડૂતોને પરેશાની થશે.
ખેડૂતોને કોઇ તબક્કે મુશ્કેલી કે સંકટ આવે તો તે પોતાના ઘરે રાખેલી જણસ લઇ સીધો યાર્ડે પહોંચે છે. તે વેંચીને જે પૈસા આવે તેનો નાણાભીડ દૂર કરવા ઉપયોગ કરે છે. ચેક સિસ્ટમ ફરજિયાત બનવાથી કોઇ ખેડૂતને આવી રીતે તાત્કાલિક પૈસા મળતા બંધ થઇ જશે. જેના કારણે નાણાભીડ ઉપરાંત તણાવ નો પણ ભોગ બનશે. સરકારે ખેડૂત જ્યારે પાક વેંચે ત્યારે તે દિવસે જ તેને નાણા મળી જાય તેવી વ્યવસ્થા કરવી જોઇએ.
