બોલિવુડ એક્ટર સલમાન ખાનને તાજેતરમાં ફિલ્મ ઇન્ડસ્ટ્રીમાં તેમના યોગદાન માટે બ્રિટિશ સંસદના ગ્લોબલ ડાયવર્સિટી એવોર્ડ ૨૦૧૭ થી સમ્માનિત કરવામાં આવ્યા છે. એવું કહેવામાં આવી રહ્યું છે કે, આ એવોર્ડથી પહેલા પણ બોલિવુડ સ્ટાર્સ જેવા કે, શાહરૂખ ખાન. મહાનાયક અમિતાભ બચ્ચન, એશ્વર્યા રાય અને હોલિવુડ એક્ટર જેકી ચેનને સમ્માનિત કરવામાં આવ્યા છે.સલમાનને આ પુરસ્કાર હાઉસ ઓફ કોમન્સના અધ્યક્ષ કેથ વિઝના હાથથી મળ્યો છે. સલમાન ખાન અત્યારે કોન્સર્ટમાં ભાગ લેવા માટે લંડન ગયા છે અને અન્ય સેલેબ્સ સિવાય અહીં સલમાનનો ભાણિયો આહિલ પણ છે.
ટ્યુબલાઈટ ફિલ્મ ફ્લોપ થયા પછી સલમાન ખાન અત્યારે તેમની અપકમિંગ ફિલ્મ ‘ટાઈગર જિંદા હે’ ના શૂટિંગમાં વ્યસ્ત છે. સલમાન હવે નથી ઈચ્છતા કે તેમની કોઈપણ ફિલ્મ ફ્લોપ સાબિત થાય. આ કારણે તે તેમની આગામી ફિલ્મની પસંદગી સમજદારી પૂર્વક કરી રહ્યા છે.
ટાઈગર જિંદા હે પછી સલમાન રેમો ડિસોઝાની ડાંસ ફિલ્મ પર કામ કરશે અથવા તે દબંગ 3 નું શૂટિંગ શરુ કરશે. પરંતુ તાજેતરમાં એવી ખબર સામે આવી છે કે, સલમાન ખાન બહુ જલ્દી ફિલ્મ રેસ 3 માટે કામ શરુ કરવાના છે. આ સીરીઝની અત્યાર સુધીની બે ફિલ્મો સારી કમાણી કરવામાં સફળ રહી છે. બીજી તરફ, સૈફ અલી ખાન એવા અભિનેતા છે જે બંને ફિલ્મોમાં નજર આવી ચૂક્યા છે.
