સવારથી જ જિલ્લા ભાજપે તબક્કાવાર તાલુકા પંચાયતના ઉમેદવારોની યાદી જાહેર કરવાનું શરૂ કર્યું: બાકી રહેલી યાદી બપોર બાદ જાહેર થશે
આગામી ૨૮મી ફેબ્રુઆરીએ યોજાનારી જિલ્લા પંચાયત, તાલુકા પંચાયત અને નગરપાલિકાઓની સામાન્ય ચૂંટણી માટે ભાજપ દ્વારા તબક્કાવાર ઉમેદવારના નામની ઘોષણા કરવામાં આવી રહી છે. જેમાં સૌરાષ્ટ્રની ૧૧ જિલ્લા પંચાયતોમાં ઉમેદવારોના નામની ભાજપ દ્વારા સત્તાવાર ઘોષણા કરી દેવામાં આવી છે. આજ રોજ આ તમામ ભાજપના ઉમેદવારોએ ઉમેદવારી ફોર્મ ભર્યા હતા. રાજકોટ જિલ્લા પંચાયતની પણ તમામ બેઠક પરના ઉમેદવારની નામની યાદી જાહેર કરી દેવાઈ છે. જેમાં ઘણાં કાર્યકર્તાઓના પત્તા કપાતા નારાજગી પ્રવર્તી છે. તો ઘણા નવા ચહેરાઓને તક આપતા લોકોને પોતાના નગરસેવકો ચૂંટવાનો નવો વિકલ્પ મળ્યો છે.
