સૈફ અલી ખાન અને રાધિકા આપ્તે સ્ટારીંગ સેક્રેટ ગેમ્સ-૧ની સફળતા બાદ મોસ્ટ અવેટેડ સિરીઝનું શુટીંગ ગુજરાતમાં
નેટફિલકસ સૌથી સફળ અને હિન્દી વેબ સીરીઝ સેક્રેટ ગેમ્સની સફળતા બાદ કચ્છના માંડવીમાં સેક્રેટ ગેમ્સ-૨નું શુટીંગ સૈફ અલી ખાન કરી રહ્યો છે. પહેલી સીરીઝના ભવ્ય પ્રતિસાદ બાદ સેક્રેટ ગેમ્સ-૨માં સૈફ અલી ખાન પહેલાની માફક પાઘડીવાળા પંજાબી ઓફિસર્સ સરતાજસિંહની ભૂમિકામાં નજરે પડશે. કચ્છના માંડવીમાં શુટીંગ દરમિયાન પણ આજ વેશભૂષામાં સૈફઅલી ખાન દેખાયો હતો.
સેક્રેટ ગેમ્સ ઉપરાંત સૈફ અલી ખાનની ફિલ્મ બાઝારે પણ આ વર્ષે સારી એવી કમાણી કરી હતી. આ ઉપરાંત કેટલીક નેટફિલકસની વેબ સીરીઝ છે જે સૈફ અલી ખાને સાઈન કરી છે. સૈફ ઉપરાંત બોલિવુડમાં નેટફિલકસ સીરીઝમાં રાધિકા આપ્તેએ પણ ખુબ જ પ્રશંસા મેળવી છે. સેક્રેટ ગેમ્સ-૧ની સીરીઝમાં રાધિકા અને સૈફ અલી ખાન સાથે જોવા મળ્યા હતા જયારે સેક્રેટ ગેમ્સ-૨ની સીરીઝમાં પણ લોકોને આશા છે કે રાધિકા આપ્તે જોવા મળશે. ગુજરાત પહેલે થી જ બોલીવુડ ફિલ્મોના શુટીંગ માટેનું હોટ ફેવરિટ રાજય રહ્યું છે. જેમાં કચ્છના સફેદ રણ અને માંડવીના અદભુત લોકેશનનો લાભ કેટલીક ફિલ્મોમાં લેવામાં આવ્યો છે ત્યારે કચ્છના સુંદર લોકેશન તમને સેક્રેટ ગેમ્સની બીજી સીરીઝમાં પણ જોવા મળશે.
