૪૪૯૦ બોટલ દારૂ અને કાર મળી રૂ.૬.૫૦ લાખનો મુદામાલ કબ્જે: બુટલેગર ફરાર
મેંદરડાના ગળકીયાનેસમાં મોટા જથ્થામાં વિદેશી દારૂ ઉતર્યો હોવાની બાતમીનાં આધારે પોલીસે વહેલી સવારે અહીંયા રેઈડ કરી રૂ.૪.૪૯ લાખની ૪૪૯૦ બોટલ અને કાર સહિત રૂ.૬.૪૯ લાખનો મુદામાલ ઝડપી પાડયો છે. જયારે બુટલેગર ફરાર થઈ જતા પોલીસે તેની શોધખોળ હાથ ધરી છે.
મેંદરડા પંથકના ગળકીયા નેસમાં વિદેશી શરાબનું કટીંગ થયું હોવાની બાતમીનાં આધારે પીએસઆ, કે.એમ. ગઢવી ચુડાસમા સહિતના સ્ટાફે શુક્રવારે વહેલી સવારે પાંચ વાગ્યાની આસપાસ આ સ્થળે વોચ ગોઠવી કાર નં. જી.જે. ૬ સીબી ૫૩૦૦ની તલાશી લેતા કારમાંથી દમણ બનાવટની વિવિધ વિદેશી શરાબની ૪૪૯૦ બોટલ મળી આવી હતી. પોલીસે કાર સહિત રૂ. ૬.૪૯ લાખનો મુદામાલ કબ્જે કરી ગુનો નોંધી ધરાર થયેલા બુટલેગરને ઝડપી લેવા માટે ચક્રો ગતિમાન કર્યા છે.
