બુલેટ બનાવતી કંપની રોયલ એનફીલ્ડ થોડા જ સમયમાં એક નવી દમદાર અને સ્ટાઇલિશ બાઇક Interceptor 750 લૉન્ચ કરી શકે છે.સુત્રોનું માનીએ તો રોયલ એનફીલ્ડના આ બાઇકમાં 750સીસીનું એન્જિન લાગેલું હશે. તેને 7 નવેમ્બરના રોજ EICMA બાઇક એક્ઝિબિશનમાં લૉન્ચ કરી શકાય છે. જોકે રૉયલ એનફીલ્ડની તરફથી તેને ઑફિશિયલ લૉન્ચ સાથે જોડાયેલ ડિટેલ્સ જાહેર કરાઇ નથી.
આ નવું રૉયલ એનફીલ્ડ બાઇક કેટલીય વખત સ્પૉટ થઇ ચૂકયું છે. ગયા મહિને જ તેને તામિલનાડુમાં સ્પૉટ કરાયું હતું. ઇન્ટરનેટ પર તેની કેટલીક તસવીરો પણ લીક થઇ છે. તેમાં જોવા પર લાગે છે કે તેનો લુક કેટલાંક અંશે રૉયલ એનફીલ્ડ Continental GT મૉડલ જેવો જ છે. કૉન્ટિનેંટલ જીટીમાં 525સીસીનું એન્જિન લાગેલું છે.
ટેસ્ટિંગ દરમ્યાન જે રૉયલ એનફીલ્ડ બાઇકને સ્પૉટ કરાયું હતું તેમાં 750સીસી એન્જિન પેરેલલ ટ્વીન એન્જિન આપવામાં આવ્યું છે, જો કે ઑઇલ કુલિંગથી લેસ છે. આ એન્જિન હૉર્સપાવરની તાકત અને 60 ન્યુટન મીટરનું પીક ટૉર્ક જનરેટ કરવામાં સક્ષમ છે.
તેના ફ્રન્ટની વાત કરીએ તો બાઇકમાં 17 ઇંચ રિમ આપ્યું છે. બંને પૈડામાં ડિસ્ક બ્રેક છે. ફ્રંટ ડિસ્કમાં એબીએસ એટલે કે એન્ટી બ્રેકિંગ સિસ્ટમ પણ છે. આ કાફે રેસર લુકવાળી બાઇકમાં સ્પોર્ટી હેંડલબાર અને સિંગલ સીટ છે. એવી આશા છે કે આ બાઇક કંપની 4 લાખ રૂપિયાના પ્રાઇસ ટેગની સાથે લૉન્ચ કરી શકે છે. ભારતમાં લોન્ચિંગની સાથે જ આ રૉયલ એનફીલ્ડની સૌથી ઝડપી બાઇક હોઇ શકે છે. અહીં તેનો મુકાબલો મુખ્યત્વે હાર્લી ડેવિડસન સ્ટ્રીટ 750 અને દુકાટી મૉનસ્ટર 797થી હશે
