RMC દ્વારા ૯ માસથી ૧૫ વર્ષના લક્ષ્યાંક મુજબના ૧૦૦ % બાળકોને ૧૬ સપ્ટેમ્બર સુધીમાં રસીકરણ કરવા તંત્ર સજ્જ

૧૦૦ % ઓરી રૂબેલાના રસીકરણ લક્ષ્યાંક માટે ધાર્મિક અગ્રણીઓની મીટીંગ

ગેર માન્યતાને કારણે ઓરી રૂબેલાની ઓછી કામગીરી વિસ્તારમાં MR ના લોકલ ધાર્મિક અગ્રણીઓની હાજરીમાં કેમ્પ

ગુજરાત રાજ્યમાં ૧૬ જુલાઈથી શરૂ થયેલ ઓરી રૂબેલા રસીકરણ અભિયાનનું રાજકોટ મહાનગરપાલિકા વિસ્તારમાં સુરક્ષિત અને સુવ્યવસ્થિત અમલીકરણ દ્વારા ત્રણ (૩) લાખ બાળકોને રસીકરણ કરવામાં આવેલ છે. ૨૦૨૦ સુધીમાં રાજકોટને ઓરી મુક્ત કરવા તથા રૂબેલાથી નિયંત્રિત કરવા ઓરી અને રુબેલાની સઘન કામગીરી કરવામાં આવી રહી છે. રાજકોટ શહેરના ૯ માસથી ૧૫ વર્ષના તમામ બાળકોને ૧૬ સપ્ટેમ્બર સુધીમાં ૧૦૦ % ઓરી રૂબેલાનું રસીકરણ કરવા રાજકોટ શહેરી વિસ્તારમાં ગેરમાન્યતા તથા જાગૃતિના અભાવે બાકી રહેલ જુદા જુદા ધાર્મિક સમુદાયના બાળકોનું ૧૦૦% રસીકરણ કરવા મંગળવાર તા. ૦૪/૦૯/૨૦૧૮ ના રોજ ધાર્મિક અગ્રણીઓ, ધર્મગુરૂઓની મીટીંગનું આયોજન કરવામાં આવેલ હતું. આ મીટીંગ ડે. કમિશનર જાડેજા સાહેબ તથા શ્રી ગણાત્રા સાહેબની અધ્યક્ષતામાં કરવામાં આવેલ. જેમાં ૩૧ ધાર્મિક અગ્રણીઓ, ધર્મગુરૂઓહાજર રહેલ.

દરેક ધાર્મિક સંસ્થાઓ, અગ્રણીઓએ રાજકોટને ઓરી રૂબેલા મુકત કરવા રસીકરણમાં સમાજ વતી સાથ આપવા કટીબદ્ધ થયેલ હતા. દરેક ધાર્મિક અગ્રણીઓના વિસ્તારમાં ઓરી / રૂબેલા રસીકરણ માટે બાકી રહેલ બાળકોને રસીકરણમાં સહકાર આપવા હકારાત્મક પ્રતિભાવ દાખવેલ હતું. રાજકોટ મહાનગરપાલિકા દ્વારા બાકી જણાય તેવા વિસ્તારોમાં ધાર્મિક અગ્રણીઓની હાજરીમાં ઓરી / રૂબેલા રસીકરણના કેમ્પનું આયોજન કરવામાં આવશે.