મંત્રી અનુરાગ ઠાકુરે સ્વચ્છતા અભિયાન હાથ ધરવા આહવાન કર્યું: અમદાવાદમાં દૂરદર્શન, આકાશવાણી, પીઆઇબી અને સીબીસીની કામગીરીની સમીક્ષા કરી
માહિતી અને પ્રસારણ અને રમતગમત અને યુવા બાબતોના કેન્દ્રીય મંત્રી અનુરાગ ઠાકુરે આજે અમદાવાદમાં દૂરદર્શન, ઓલ ઈન્ડિયા રેડિયો, પ્રેસ ઈન્ફોર્મેશન બ્યુરો અને સેન્ટ્રલ બ્યુરો ઓફ કોમ્યુનિકેશનની કામગીરીની સમીક્ષા કરી હતી. મીટિંગ દરમિયાન ઠાકુરે તમામ મીડિયા એકમોને 2 ઓક્ટોબરથી એક પખવાડિયા માટે બિન-સેવાપાત્ર વસ્તુઓ પર વિશેષ ભાર મૂકીને વિશેષ સ્વચ્છતા અભિયાન હાથ ધરવા જણાવ્યું હતું. તેમણે જૂના કાગળની સામગ્રી તેમજ ઈ-વેસ્ટનો નિકાલ કરવાની જરૂરિયાત પર પણ ભાર મૂક્યો હતો.
આ બેઠકમાં પ્રકાશ મગદુમ, એડીજી, પીઆઇબી અને સીબીસી સત્યજીત દાસ, ડીડીજી દૂરદર્શન એન.એલ. ચૌહાણ, ડીડીજી, આકાશવાણી, ધર્મેન્દ્ર તિવારી, નિયામક (સમાચાર) દૂરદર્શન, નવલ પરમાર, આકાશવાણી, પ્રાદેશિક સમાચાર એકમના વડા, યોગેશ પંડ્યા, નાયબ નિયામક, પીઆઇબી અને સીબીસી અને ઉત્સવ પરમાર, નાયબ નિયામક (સમાચાર), ડીડી સહિત વિભાગના વડાઓ અને આ સંસ્થાઓના અન્ય કર્મચારીઓ ઉપસ્થિત રહ્યા હતા.
