ફિલ્ડ ઓફિસર તથા તાલુકા કો.ઓર્ડિનેટરની પોસ્ટ માટે જિલ્લામાંથી ઉમેદવારો ઉમટ્યા
ગીર સોમનાથ જિલ્લાના બેરોજગાર યુવક-યુવતીઓ માટે ભરતી પ્રક્રિયાના કાર્યક્રમનું આયોજન કરવામાં આવ્યું હતું. જેમાં એક ફિલ્ડ ઓફિસર તથા તાલુકા કોર્ડિનેટરની પોસ્ટ માટે જિલ્લાભરમાંથી ઉમેદવારો હાજર રહ્યા હતા. આ બન્ને અલગ-અલગ પોસ્ટ માટે ઉપસ્થિત ભાઈ-બહેનોમાંથી નિમણુક આપવામાં આવી છે. કંપનીનો મુખ્ય ઉદેશ બેરોજગાર યુવક-યુવતીઓને રોજગારી આપવી તેમજ કંપની દ્વારા તૈયાર થયેલી દવા સીધી જ ખેડુતોના ખેતરોમાં માર્કેટ કરતા સસ્તી દવા પહોંચાડવાનો છે. આ સમગ્ર ભરતી પ્રક્રિયામાં ગોવિંદભાઈ ચાવડા, રિજવાનાબેન ચૌહાણ, હમીરભાઈ આમહેડા, માનસિંહભાઈ ચાવડા, રાજુભાઈ ચૌહાણ વગેરેએ જહેમત ઉઠાવી હતી. તેમજ કંપનીના જામનગર જિલ્લા કોર્ડીનેટર વજુભાઈ જાદવે ઉમેદવારોનું સિલેકશન કર્યું હતું.
