રાષ્ટ્રસંત પૂજ્ય શ્રી નમ્રમુનિ મહારાજ સાહેબના સાંનિધ્ય શ્રી રોયલપાર્ક સ્થા. જૈન મોટા સંઘના આંગણે આવતીકાલે 180 થી વધારે વર્ષીતપ આરાધકોના સમૂહ પારણાનું આયોજન
પૂજ્ય શ્રી જશાજી સ્વામી શતાબ્દી સ્મૃતિ અવસરના ઉપલક્ષે તપ ધર્મની અનુમોદના કરવામાં આવશે
પ્રભુ આદિનાથની પરંપરામાં છેલ્લા એક વર્ષથી વર્ષીતપની ઉગ્ર આરાધના કરી રહેલાં 180 થી વધારે તપસ્વી ભાવિ કોના
સામુહિક પારણાના અવસરનું આયોજન રાજકોટના શ્રી રોયલપાર્ક સ્થા. જૈન મોટા સંઘ-સી.એમ. પૌષધશાળા ઓમાનવાળા
ઉપાશ્રય ખાતે કરવામાં આવ્યું છે,
ગુજરાત રત્ન પૂજ્ય શ્રી સુશાંતમુનિ મહારાજ સાહેબ રાષ્ટ્રસંત પૂજ્ય શ્રી નમ્રમુનિ મહારાજ સાહેબ આદિ 6 સંતો તેમજ
આ દર્શયોગિની પૂજ્ય શ્રી પ્રભાબાઈ મ., અખંડ સેવાભાવી પૂજ્ય શ્રી ભદ્રાબાઈ મ., આદિ વિશાળ સતીવૃંદની ઉપસ્થિતિમાં 180આરાધક ભાવિકોને પારણો કરાવવાનું આયોજન કરવામાં આવ્યું છે,
આવતીકાલ તા. 26/6/2018 સવારના 09:00 થી 11:00 કલાક દરમ્યાન આયોજિત કરવામાં આવેલાં સામુહિક પારણાનો કાર્યક્રમ શ્રી રોયલપાર્ક સ્થા. જૈન મોટા સંઘ, 28, રોયલપાર્ક, ગાદીપતિ પૂજ્ય શ્રી ગિરીશમુનિ મ.સા, માર્ગ, જી.ટી.સ્કુલની પાછળ, કાલાવડ રોડ, રાજકોટ ખાતે રાખવામાં આવ્યો છે.
દરેક ધર્મપ્રેમી ભાવિકોને આ અવસરે તપશ્ચર્યાની અનુમોદના અર્થે પધારીને લાભ લેવા શ્રી સંઘ તરફથી ભાવભીનું આમંત્રણ આપવામાં આવ્યું છે.
