રાજકોટના પ્રદ્યુમનપાર્ક ઝૂમાં સિહ વીફર્યો અને થયું કઈક આવું..

રાજકોટ મહાનગરપાલિકા સંચાલિત પ્રદ્યુમન પાર્ક ઝૂમાં આજે વહેલી સવારે એકાએક સિંહ પાંજરાની બહાર નીકળી જતાં અફડાતફડી મચી જવા પામી હતી અને અધિકારીઓના જીવ તાળવે ચોંટી ગયા હતાં. જો કે થોડો સમય બાદ એકાએક સિંહ પોતાની રીતે જ પોતાના પાંજરામાં ચાલ્યો જતાં ફરી પાંજરાને તાળુ મારી દેવામાં આવ્યું હતું. દરમિયાન આ અંગે ઝૂ સુપ્રિન્ટેન્ડેન્ટ ડો.હિરપરાનો સંપર્ક સાધતાં તેમણે  આવી ઘટના બન્યાને સત્તાવાર સમર્થન આપ્યું હતું અને જણાવ્યું હતું કે હવે પરિસ્થિતિ થાળે પડી ગઈ છે અને સિંહ ફરી પાંજરામાં આવી ગયો છે