રાજકોટ: કાઠી દરબાર મહિલાઓ નવરાત્રીમાં આદ્યશકિતની આરાધનામાં મગ્ન બનશે

સૂર્ય શકિત મહિલા ગ્રુપ દ્વારા  કાઠીક્ષત્રિય વિદ્યાર્થી ભવન ખાતે એક દિવસીય રાસ ગરબાનું આયોજન

સૂર્ય શક્તિ મહિલા ગ્રુપ દ્વારા કાઠિ દરબાર મહિલાઓ માટે એક દિવસીય નવરાત્રિ મહોત્સવનું જાજરમાન આયોજન કરવામાં આવ્યું છે સમગ્ર આયોજન વિષે માહિતી આપી હતી કે તા.27મીએ(બીજું નોરતું) સ્વ.જેતાભાઈ રાણીંગભાઈ વાળા, કાઠિ ક્ષત્રીય વિધાર્થી ભવન, પુષ્કરધામ મેઈન રોડ ખાતે સાંજે 7.30 કલાકથી લઇ ફક્ત કાઠી દરબાર સમાજની મહિલાઓ માટે ગરબાનું આયોજન કરવા આવેલ છે જેમાં સમાજના બધા જ બહેનોને જોડાવા માટે અપીલ કરવામાં આવી છે અને સૂર્ય શક્તિ મહિલા ગ્રુપ રાજકોટ દ્વારા આ સમગ્ર આયોજન ની:શુલ્ક કરવામાં આવેલ છે

તેમ ‘અબતક’ મીડીયાની શુભેચ્છા મુલાકાતે આવેલ બહેનોએ જણાવ્યું હતુ.આ કાર્યક્રમમાં કાઠી દરબાર સમાજના બધા જ અગ્રણીઓને અને સમગ્ર ગુજરાતના બહેનોને સાથે રાખીને અને સમાજ એક થાય તેમજ કાઠી દરબાર સમાજના બધા લોકોની એક બીજા સાથે ઓળખાળ થાય તે હેતુથી આયોજન કરાયું છે સાથે આ ગરબામાં વિશેષ તલવાર રાસનું પણ આયોજન કરેલ છે

તેમજ કાઠી દરબાર સમાજ માટે વોટસઅપના માધ્યમથી મેરેજ બ્યુરોની જહેમત ગીતાબા ચાવડાએ ઉઠાવી છે અને આ કાર્ય કોઈપણ ચાર્જ લીધા વગર નીશુક્લ્ક કરવામાં આવે છે તો બધા લોકોને મો 9586466124 નંબર પરથી આ ગ્રુપમાં જોડાઈને લાભ લેવા જાણ કરાઈ છે

“અબતક”ની મુલાકાતે આવેલા ગીતાબા ચાવડા, લતાબા ચાવડા, મેઘાબા વાળા,પ્રતિમાબા વાળા,ગિરાબા વાળા, પ્રેરણાબા વાળા, રેખાબા કરપડા, વંદનાબા કરપડાએ આ સમગ્ર આયોજન વિશેષ વિગત આપી હતી.