- સીટી સર્કલ-3નું ભારણ ઘટાડવા પીજીવીસીએલનો મહત્વનો નિર્ણય
- રૈયા રોડ તેમજ માધાપરના વીજ ગ્રાહકોને વધુ સારી, સાતત્યપૂર્ણ અને સંતોષકારક સેવા મળશે
પીજીવીસીએલ, રાજકોટ શહેર વર્તુળ કચેરી હેઠળની શહેર વિભાગીય કચેરી -3રાજકોટના કાર્યબોજ અને ભૌગોલિક વિસ્તારને ધ્યાનમાં લઈ અધિક્ષક ઈજનેર, શહેર વર્તુળ કચેરી રાજકોટ દ્વારા શહેર વિભાગીય કચેરી -3 રાજકોટ હેઠળની રૈયારોડ પેટા વિભાગીય કચેરી અને માધાપર પેટા વિભાગીય કચેરીને શહેર વિભાગીય કચેરી – 3 રાજકોટ માંથી શહેર વિભાગીય કચેરી – 2 રાજકોટના વહીવટી નિયંત્રણ હેઠળ ફેરવવા માટે પીજીવીસીએલ નિગમિત કચેરી રાજકોટને દરખાસ્ત રજૂ કરેલ. પીજીવીસીએલ બોર્ડ દ્વારા ગત 140મી બોર્ડ મિટિંગમાં સદર દરખાસ્તને મંજૂરી આપવામાં આવેલ છે. આમ પીજીવીસીએલ મેનેજમેન્ટ દ્વારા રાજકોટ શહેર વર્તુળ કચેરી હેઠળની રૈયા રોડ પેટા વિભાગીય કચેરી અને માધાપર પેટા વિભાગીય કચેરીનાં વહીવટી નિયંત્રણનું બાયફરકેશન કરવામાં આવ્યું છે.
શહેર વિભાગીય કચેરી -3હેઠળનો ભૌગોલિક વિસ્તાર ઘણોજ મોટો હોઈ શહેર વિભાગીય કચેરી – 2ની સરખામણીએ કાર્યબોજ વધુ રહેતો હોય તેનું ભારણ ઘટાડવા તેમજ રાજકોટના ઝડપી અને સતત વિકાસશીલ વિસ્તાર એવા રૈયા રોડ તેમજ માધાપરમાં નવા બાંધકામને કારણે નવા વીજ કનેકશનોની સંખ્યા વધતી હોય શહેર વિભાગીય કચેરી – 3તેમજ શહેર વિભાગીય કચેરી – 2 બન્ને હેઠળ આવતા વીજ ગ્રાહકોને વીજ સેવા વધુ સારી, સાતત્યપૂર્ણ, સંતોષકારક રીતે પૂરી પાડી શકાય તે હેતુથી તેમના વહીવટી નિયંત્રણનું બાયફરકેશન કરવામાં આવ્યું છે.
રૈયારોડ પેટા વિભાગીય કચેરી અને માધાપર પેટા વિભાગીય કચેરી રાજકોટનો આશરે 101 સ્ક્વેર કી.મી. વિસ્તાર, 134.36 કી.મી. એચ.ટી. લાઈન, 301.66 એલ.ટી. લાઈન તેમજ કુલ 68091જેટલા ગ્રાહકોને શહેર વિભાગીય કચેરી -3 રાજકોટ માંથી શહેર વિભાગીય કચેરી -2, રાજકોટ ના વહીવટી નિયંત્રણ હેઠળ ફેરવવા માટે ની દરખાસ્ત પીજીવીસીએલ મેનેજમેન્ટ દ્વારા તા.23 જૂનના રોજ મંજુર કરવામાં આવેલ છે. આમ હવેથી રૈયા રોડ પેટા વિભાગીય કચેરી અને માધાપર પેટા વિભાગીય કચેરી રાજકોટ શહેર વિભાગીય કચેરી – 2ના નિયંત્રણ હેઠળ કાર્યરત રહેશે.
ફેરફાર બાદ કયુ સબ ડિવિઝન કોના નિયંત્રણમાં આવશે ?
શહેર વિભાગીય કચેરી -2
મહિલા કોલેજ પે.વી. કચેરી
પ્રદ્યુમનનગર પે.વી. કચેરી
બેડીનાકા પે.વી. કચેરી
ઉધ્યોગનગર પે.વી. કચેરી
લક્ષ્મીનગર પે.વી. કચેરી
એચ.ટી.-2 પે.વી. કચેરી
માધાપર પે.વી. કચેરી
રૈયા રોડ પે.વી. કચેરી
શહેર વિભાગીય કચેરી -3
વાવડી પે.વી. કચેરી
મવડી પે.વી. કચેરી
નાનામવા પે.વી. કચેરી
મોટામવા પે.વી. કચેરી
કાલાવડ રોડ પે.વી. કચેરી
ખોખડદળ પે.વી. કચેરી
એચ.ટી.-3 પે.વી. કચેરી
