26 રાફેલ ફાઇટર જેટ તથા 3 સ્કોર્પિયન સબમરીનની ખરીદી કરશે ભારત
ભારત ફ્રાન્સ પાસેથી ફરી એકવાર રાફેલ જેટ ખરીદવા જઈ રહ્યું છે. આ રાફેલનું નેવલ વર્ઝન હશે, એટલે કે તેનો ઉપયોગ નેવી દ્વારા કરવામાં આવશે. વડાપ્રધાન નરેન્દ્ર મોદી તેમની બે દિવસીય ફ્રાંસ મુલાકાત દરમિયાન આ ડીલને અંતિમ સ્વરૂપ આપી શકે છે. તેની કિંમતો હજુ જાણવા મળી નથી પરંતુ 24- 30 જેટ ખરીદવાની યોજના છે. ડિફેન્સ એક્વિઝિશન કાઉન્સિલની બેઠક બાદ જેટની કિંમતો જાહેર થઈ શકે છે.
વડાપ્રધાન નરેન્દ્ર મોદી 13-14 જુલાઈએ ફ્રાન્સમાં રહેશે. ફ્રાન્સના રાષ્ટ્રપતિ ઈમેન્યુઅલ મેક્રોને બેસ્ટિલ ડે પરેડમાં પીએમને મુખ્ય અતિથિ તરીકે બોલાવ્યા છે. દરમિયાન, પીએમ રાફેલ મરીન જેટ્સ ડીલને આખરી ઓપ આપી શકે છે. ભારતીય નૌકાદળે રાફેલનું નેવલ વર્ઝન ધરાવવાનો ઈરાદો વ્યક્ત કર્યો હતો. યુએસ દરિયાઈ દેખરેખ માટે F-18 સુપર હોર્નેટ્સનો ઉપયોગ કરે છે. હવે જ્યારે ચીન સાથે દરિયાઈ ક્ષેત્રમાં તણાવ વધી રહ્યો છે ત્યારે નેવીને પણ આવા શક્તિશાળી જેટની જરૂર છે.
રક્ષામંત્રી રક્ષા અધિગ્રહણ પરિષદના અધ્યક્ષ છે. આવતા અઠવાડિયે પીએમ મોદીની ફ્રાન્સ મુલાકાત પહેલા, કેટલા જેટ ખરીદવામાં આવશે, તેની કિંમત શું હશે અને આ ડીલનું સ્વરૂપ શું હશે તેની વધુ માહિતી કાઉન્સિલની બેઠકમાં સામે આવી શકે છે. ભારત પાસે હાલમાં રાફેલનું એરફોર્સ વર્ઝન છે. ગયા વર્ષે ફ્રાન્સે તમામ 36 રાફેલ ફાઈટર જેટની ડિલિવરી – એવું કહેવાય છે કે દરેક રાફેલ જેટની કિંમત ભારત કરોડ રૂપિયા છે. એટલું જ નહીં ત્રણ સ્કોર્પિયન સબમરીન ની પણ ખરીદી કરવામાં આવે તેવી આશા હાલ સેવાઈ રહી છે.
ભારતીય નૌકાદળને ચાર ટ્રેનર એરક્રાફ્ટ સાથે 22 સિંગલ-બેઠક રાફેલ સી પ્લેન મળશે. નૌકાદળ આ ફાઇટર જેટ અને સબમરીનને તાત્કાલિક હસ્તગત કરવા માટે દબાણ કરી રહ્યું હતું કારણ કે દેશભરમાં સુરક્ષા પડકારોને ધ્યાનમાં રાખીને તેમની અછત હતી. એરક્રાફ્ટ કેરિયર્સ આઈએનએસ વિક્રમાદિત્ય અને વિક્રાંત મિગ-29 ઓપરેટ કરી રહ્યા છે અને બંને કેરિયર્સ પર ઓપરેશન માટે રાફેલની જરૂર છે.
