કેવડીયાથી અમદાવાદ વચ્ચે સી-પ્લેનની સફર કરી વડાપ્રધાન મોદી દિલ્હી જવા રવાના: મુખ્યમંત્રી રૂપાણી, રાજ્યપાલ આચાર્યની ખાસ ઉપસ્થિતિ
આજે ગુજરાતની મુલાકાતના છેલ્લા દિવસે વડાપ્રધાન મોદીએ સી-પ્લેનમાં ઉડાન ભરી હતી સત્તાવાર રીતે ગુજરાતમાં પ્રથમ ઉડાનના પ્રથમ પ્રવાસી વડાપ્રધાન મોદી બન્યા હતા.
સવારે વડાપ્રધાન મોદીએ સરદાર પટેલને શ્રધ્ધાસુમન અર્પણ કર્યા હતા ત્યારબાદ રાષ્ટ્રીય એકતા પરેડમાં પણ જોડાયા હતા. તેમણે સિવિલ સર્વિસીસનેે સંબંધોન પણ કર્યું હતું.
વડાપ્રધાન મોદીના આ કાર્યક્રમ દરમિયાન તેમનું ભાવભેર સ્વાગત કરવામાં આવ્યું હતું.
અમદાવાદ ખાતે સાબરમતી નજીક સરદાર બ્રીજથી ચંદ્રનગર બ્રીજ વચ્ચે ખાસ જેટી બનાવવામાં આવી હતી. કેવડીયાથી સી-પ્લેને ઉડાન ભરી હતી અને અમદાવાદ પહોંચ્યું હતું.
૨૨૦ કિમીનું આ અંતર ૩૦ મિનીટ જેટલા સમયમાં કપાયું હતું. આ તકે મુખ્યમંત્રી રૂપાણી, રાજ્યપાલ આચાર્ય દેવવ્રત પણ રિવરફ્રન્ટ ખાતે ખાસ ઉપસ્થિત રહ્યા હતા.
વડાપ્રધાન મોદી સી-પ્લેનનું ઉદ્ઘાટન કરી દિલ્હી જવા રવાના થયા હતા.
