રાષ્ટ્રપતિ રામનાથ કોવિંદ ગુજરાતના પ્રવાસે છે ત્યારે આજે રોજ તેઓ ભાવનગર એરપોર્ટ પર પહોંચ્યા હતા. એરપોર્ટ પર પહોંચતા તેમનું રાજ્યપાલ આચાર્ય દેવવ્રત દ્વારા તેમનું ભાવભેર સ્વાગત કરવામાં આવ્યું હતું.
ભાવનગર એરપોર્ટ પર રાષ્ટ્રપતિનું સ્વાગત કરવા માટે રાજ્યપાલ સાથે શિક્ષણ મંત્રી જીતુભાઇ વાઘાણી, મેયર કીર્તિબાળા દાણીધારીયા, સાંસદ ડો. ભારતીબેન શિયાળ, કલેક્ટર યોગેશ નિરગુડે, પોલીસ અધિક્ષક જયપાલસિંહ રાઠૌર ઉપસ્થિત રહ્યા હતા.
રાષ્ટ્રપતિ ભારતીય વાયુદળના વિશેષ વિમાન મારફતે ભાવનગર એરપોર્ટ ખાતે આવી પહોંચ્યાં બાદ એરફોર્સના વિશેષ હેલિકોપ્ટરમાં ભાવનગર જિલ્લાનાં મહુવા તાલુકાનાં તલગાજરડા ગામ ખાતે જવાં રવાના થયાં હતાં.
રાષ્ટ્રપતિ રામનાથ કોવિંદ પ્રધાનમંત્રી આવાસ યોજના હેઠળ ભાવનગરમાં બંધાયેલા આવાસોનું પણ લોકાર્પણ કરશે.
